Գորիսեցիները, կարմիր բերետների միջոցով, զամբյուղի մեջ տեղավորեցին սյունյաց ողջույններն ու ուղարկեցին Նիկոլին. Սայաթ Շիրինյան (տեսանյութ)

Առուշ Առուշանյանը, գտնվելով բանտում, միայնակ, շնորհիվ իր անցած ուղու, կարողացավ հաղթել ընտրություններում և այդ հաղթանակը շղթայական կերպով տեղի է ունենալու նաև նոյեմբերի 14-ի և դեկտեմբերի 5-ի ՏԻՄ մյուս ընտրություններում: Այս մասին ասուլիսի ժամանակ ասաց ՀՀ ոստիկանության հասարակայնության հետ կապի և լրատվության վարչության նախկին պետ, գնդապետ Սայաթ Շիրինյանը:

Նա իր խոսքն ուղղեց Նիկոլ Փաշինյանին՝ ընդգծելով, որ նա այլևս պարտված ղեկավար է:

«Նիկո՛լ, ինչպես նախիկնում դու չես կարողացել խոսել Սյունիքի անունից, այնպես էլ այսօր իրավունք չունես խոսելու, քանի որ Առուշանյանի հաղթանակը ցույց տվեց, թե ԱԺ ընտրություններում ինչպիսի ընտրակեղծարարություններ էին տեղի ունեցել»,-ասաց Շիրինյանը և պնդեց, որ իշխող ուժը զինվորականների և շրջիկ ընտրողների շնորհիվ էր խորհրդարանական ընտրություններում ձայներ ապահովել:

«Գորիսեցիները կարմիր բերետների միջոցով, զամբյուղի մեջ լցրած, սյունյաց ողջույններն ուղարկեցին Նիկոլին և ՔՊ-ին»,-հայտարարեց ոստիկանության պաշտոնաթող գնդապետը:

Շիրինյանը նկատեց, որ գորիսեցին մերժեց նաև Սյունիքին խոստացած 1 մլրդ դրամ աջակցությունը՝ շեշտելով, որ դրանով իշխանությունները ցանկանում էին գնել ընտրողների ձայները, որը չստացվեց: Նա անտրամաբանական համարեց, որ ներկայում ընտրություններից առաջ ընտրողներիցն 50-100 հազար դրամ բաժանելը սոցիալական աջակցություն է որակվում, իսկ նախկինում ընտրությունների օրվանից տարիներ առաջ բաժանված սեցիալական աջակցությունը՝ ընտրակաշառք: