Խնդրում եմ՝ նիստերի գալուց առաջ ավագանու որոշ անդամներ լողանան, որ քաբաբի հոտ չգա վրաներից, կեղտոտ բոթասի հոտ չգա․ Թեհմինա Վարդանյան (տեսանյութ)

Երկու բառով ներկայացնեմ, թե ինչ է այստեղ կատարվում․ իշխանական խմբակցության ղեկավարը և անդամներից մեկը բերել են նախագիծ, որտեղ փորձում են կանոնակարգել սեփական ավագանու անդամներին, որովհետև շուրջ 3 տարի է՝ մենք անցել ենք մեր լիազորություններին, բայց մեկ անգամ չի եղել, որ գոնե 50 անդամ ներկայացված լինի նիստերի դահլիճում։ Այս մասին այսօր ավագանու նիստում հայտարարեց Թեհմինա Վարդանյանը։ 

««Լույս» խմբակցությունը 3 հոգուց է բաղկացած, 5 հոգուց է բաղկացած ԲՀԿ խմբակցությունը, 57 անդամ ուներ նախկում «Իմ քայլը» խմբակցությունը, այժմ՝ 54։ Պարոն Գալջյան, ավագանու քանի՞ անդամ ունեք այս պահին դահլիճում։ Այսինքն՝ դուք այնքան իմպոտե՞նտ եք, ամո՞ւլ եք քաղաքականապես՝ որպես ղեկավար, որպես կուսակցություն, կամ խմբակցություն, որպես դաշինք, որ չեք կարողանում մարդ բերել, չեք կարող ավագանու ձեր անդամներին ամսվա մեջ մի օր բերեք, նստացնեք դահլիճում»,- դիմելով Արմեն Գալջյանին՝ ասաց Վարդանյանը։  

Նա անդրադարձավ ավագանու նիստում ավելի վաղ հնչած՝ քաբաբ ուտելու մասին մտքին և հիշեցրեց, որ իշխանականների ղեկավարի ամենասիրելի ուտելիքն է քաբաբը։

«Քաբաբից խոսելուց ավագանու նախկին անդամների մասին, հիշեք, որ դուք ձեր փորքամարմին ու փոքրոգի հալով էդքան ապրած, վաստակած ու արարած չունեք, ինչպես օրինակ, Լպուտյանը, Երզնկյանը, Վարդազարյանը և այլն։ Քաբաբից մի՛ խոսեք։ Ես խնդրում եմ՝ նիստերի գալուց առաջ ավագանու որոշ անդամներ լողանան, որ քաբաբի հոտ չգա վրաներից, կեղտոտ բոթասի հոտ չգա։ Եթե դուք անցնում եք ձեր չափն ու լկտի եք դրսևորում, ապա հագնվեք, լողացեք ու եկեք նիստի։ Եթե էդ չեք կարողանում ապահովել, ինչի՞ մասին եք խոսում»,- ասաց Վարդանյանը։

Մանրամասները՝ տեսանյութում