Փաշինյանի քարոզիչները բռնել, կեղծ էջեր են բացել ֆեյսբուքում, որով իբր թե սատարում են Գևորգ Փարսյանին. Արթուր Դանիելյան

«Ադեկվատ» նախաձեռնության անդամ Արթուր Դանիելյանն անդրադարձել է ներքաղաքական խնդիրներին:

«Կապանի համար պայքարը սաստկանում է:

Փաշինյանի քարոզիչները բռնել կեղծ էջեր են բացել ֆեյսբուքում, որոնք իբր թե սատարում են Գևորգ Փարսյանին ու իր անունից կոչ են անում մասնակցել «Հայաստան» դաշինքի հանրահավաքին: Սրան զուգահեռ բռնում իրենց լրատվականներով տարածում են, որ Փարսյանի քարոզարշավը անձամբ Լևոն Քոչարյանն է կազմակերպում:

«Կոնտռոլնի» կրակոցով իրենց գլխավոր բաշիբոզուկի շուրթերով ԱԺ ամբիոնից են պնդում, որ Քոչարյանն է Փարսյանի հենասյունը:

Հանուն արդարության պետք ա նշել, որ հենց Փարսյանն է էս հակաքարոզի բոլոր հիմքերը ստեղծել դեռ հունիսին, իսկ հիմա առանձնապես ջանք չի գործադրում այս ամենը հերքելու համար: Փարսյանի փոխարեն Հարությունյան Շանթն է ստեղ ընդեղ ընկած հերքումներ տալիս:

Ինչևէ, գործը իրենց է, իմ համար ուրիշ բան է ուշագրավ:

Քոչարյան Ռոբերտը իրականում դարձել է այնպիսի տոքսիկ քաղաքական ակտիվ որ հակառակորդները իրեն իրար ջեբ են գցում, որ անդառնալի վնաս հասցնեն: Ու սա փաստ է: Հայաստանում ցանկացած մակարդակի քաղաքական գործընթացում պարտվելու հիմնական նախադրյալն է դարձել Քոչարյանի հետ ասոցացվելը: Ընդ որում սա զավեշատլի է, քանի որ վերջին 3 տարվա ընթացքում միլիոնավոր դոլարներ են ծախսվել Քոչարյանի փիառի վրա:

Եկած-չեկած՝ նստեց, նստելուն պես գիրքը լույս տեսավ, հելավ, հոդվածները ջրեցին... Ինչ ասես արին, որ արժանահավատ ընդդիմություն լինի: Էն էլ նույնիսկ ընդդիմության դերին չի ձգում:

Ու սա իրոք աննախադեպ իրավիճակ է: Ես չեմ հիշում, որ Հայաստանում երբևիցե նման մարդ գոյություն ունենա, ում կերպարը կերաշխավորեր պարտություն»,-գրել է Դանիելյանը: