Այդ գործոնները ցույց են տվել, որ պատերազմն անխուսափելի է, բայց ռազմաքաղաքական ղեկավարությունը ոչինչ չի ձեռնարկել. Տիգրան Աբրահամյան

Իշխանությունը սահմանների վիճակի վերաբերյալ համաձայնեց դռնփակ քննարկում անցկացնել, քանի որ ուներ մտահոգություն, որ լրատվամիջոցները, հանրությունը կարձանագրեին այն իրական վիճակը, որը ներկայացնում են ԶՈւ ԳՇ ներկայացուցիչները։

Այս մասին լրագրողների հետ ճեպազրույցում ասաց ԱԺ «Պատիվ ունեմ» խմբակցության պատգամավոր Տիգան Աբրահամյանը: 

«Հանրության համար հետաքրքություն ու մտահոգություն առաջացնող դելիմիտացիայի գործընթացի հետ կապված խնդիրը շարունակում է մնալ օդում կախված, առաջնագծում ստեղծված իրավիճակը, իրականացվող աշխատանքների մասով շարունակում է թաքցվել հասարակությունից»,-ասաց Տիգրան Աբրահամյանը;

Նրա խոսքով, Նիկոլ Փաշինյանի հանձնարարությամբ ԱԺ գործուղված մարդիկ կոմպետետ չէին ներկայացնելու իրավիճակի հետ կապված մտահոգությունների պատասխանները, իսկ որ հարցերում լիազորված էին, ամբողջական տեղեկատվություն չեն ներկայացրել։

Տիգրան Աբրահամյանն ընդգծեց նաև, որ Փաշինյանը փաստացի խոստովանեց, որ 2020-ի սեպտեմբերի 27-ից առաջ հանրության, փորձագիտական շրջանակների, զինված ուժերի, գլխավոր շտաբի, պաշտպանության նախարարության, ԱԱԾ-ի համար տեսանելի գործոններից բացի, որոնք ակնհայտորեն ցույց էին տալիս, որ պատերազմն անխուսափելի էր, եղել է նաև վստահություն առաջացնող ռադիոկլանում։

«Սա եղել է պատերազմից երկու օր առաջ։ Եվ այս գործոնների առկայության պայմաններում ռազմաքաղաքական ղեկավարությունն իրավիճակին համապատասխան քայլեր չի իրականացրել, ինչով հենց այդ փուլում հիմք է դրվել պատերազմում մեր պարտության համար։ Սա ցույց է տալիս նաև, որ միջոցառումների այն շարքը, որ նախատեսված է նման իրավիճակների համար, փաստացի չեն աշխատել, մեխանիզմները գործի չեն դրվել, ինչի հետևանքով զինված ուժերը փաստացի չեն պատրաստվել Ադրբեջանի հարձակմանը»,-ասաց Աբրահամյանը: