Աղիքային վարակով հոսպիտալացված է 30 հիվանդ. բոլորի վիճակը գնահատվում է միջին ծանրության. բոլորը սնվել են Տաշիր պիցցայում

«Հիվանդությունների վերահսկման և կանխարգելման ազգային կենտրոն»-ը թարմացված Տեղեկատվություն է հրապարակել աղիքային վարակի դեպքերի վերաբերյալ։ Ըստ հաղորդագրության, 2021 թվականի նոյեմբերի 5-ին «Ինֆեկցիոն հիվանդությունների ազգային կենտրոն» «աղիքային վարակ» նախնական ախտորոշմամբ հոսպիտալացվել է ևս 13 քաղաքացի, իսկ Մարտունու ԲԿ-ում՝ 2 քաղաքացի:

«Համաճարակաբանական հետազոտության արդյունքում պարզվել է, որ բոլորը սնվել են միևնույն պիցցերիաների ցանցի կետերում:Ժամը 17:00-ի դրությամբ հոսպիտալացված է 30 հիվանդ: Բոլորի վիճակը գնահատվում է միջին ծանրության»,- ասված է հաղորդագրությունում։

Լաբորատոր հետազոտությունների նպատակով իրականացվել է կենսանմուշի, սննդամթերքի և խմելու ջրի նմուշառում: Ներկա պահին աշխատանքներն ընթացքի մեջ են, արդյունքների մասին կտեղեկացվի լրացուցիչ: