Շիրակում իրար են բախվել «ՄԱԶ» բեռնատարն ու «Volkswagen»-ը. վերջինի վարորդը տեղափոխվել է «Գյումրի» ԲԿ

Այսօր՝ նոյեմբերի 9-ին, խոշոր ավտովթար է տեղի ունեցել Շիրակի մարզում։ Ժամը 13։30-ի սահմաններում Երևան-Գյումրի ավտոճանապարհի 99 կմ հատվածոմ դեռևս չպարզված հանգամանքներում բախվել են 46-ամյա Արմենուհի Մշեցյանի վարած «Volkswagen Polo» մակնիշի և 53-ամյա Վազգեն Ավագյանի վարած ՄԱԶ մակնիշի բեռնատարը։ Այս մասին տեղեկանում ենք Shamshyan.com-ից:

Վթարի հետևանքով վարորդներից Ա. Մշեցյանը մարմնական վնասվածքներով տեղափոխվել է Գյումրու բժշկական կենտրոն։ Օպերատիվորեն ժամանել են արտակարգ իրավիճակների նախարարության փրկարար ծառայության թիվ 51 հրշեջ փրկարարական ջոկատից 1 մարտական հաշվարկ։ Հրշեջ-փրկարարները հոսանքազրկել են «Volkswagen»-ը, փակել գազաբալոնի փականը և սահմանազատել տարածքը։

Օպերատիվորեն ժամանել են ճանապարհային ոստիկանության 2-րդ սպայական գումարտակի 2-րդ վաշտի 2 դասակի ծառայողները՝ ավագ հետաքաննիչ Նաիրի Գասպարյանի գլխավորությամբ։ Փաստի առթիվ Ն. Գասպարյանի կողմից նյութեր են նախապատրաստվում։