Քաղաքական կոռուպցիա՞. Սուրեն Պապիկյանը Մոսկվա է մեկնել Ռոման Տրոցենկոյի անձնական ինքնաթիռով. «Փաստինֆո»

«Փաստինֆո»-ի տեղեկություններով՝ Սուրեն Պապիկյանը փոխվարչապետի պաշտոնում օգտվել է հայտնի գործարարի ծառայություններից՝ Մոսկվա մեկնելով նրա անձնական ինքնաթիռով։ Խոսքը գնում է միլիարդատեր Ռոման Տրոցենկոյի մասին, որը կոռուպցիոն կասկածահարույց պայմաններում ձեռք է բերել Զանգեզուրի պղնձամոլիբդենային կոմբինատի բաժնետոմսերը։

Մեր աղբյուրի փոխանցմամբ՝ Սուրեն Պապիկյանը հոկտեմբերի 9-10-ին Մոսկվա է մեկնել Տրոցենկոյի ինքնաթիռով՝ չարթերային չվերթով, որտեղ ունեցել է տարբեր հանդիպումներ։

«Փաստինֆո»-ն տեղեկությունները ճշտելու, մեկնաբանություն ստանալու համար դիմեց ՀՀ Կառավարություն։ Փորձեցինք հասկանալ՝ որքա՞ն գումար է հատկացվել թռիչքի համար, թե դա նվիրատվություն է եղել, սակայն հայտնեցին, որ տեղեկությունը կարող են հստակեցնել միայն պաշտոնական գրավոր հարցմամբ։

Հիշեցնենք, սեպտեմբերի 30-ին հայտնի դարձավ, որ «Արդյունաբերական ընկերություն»-ը դարձել է ԶՊՄԿ-ի բաժնետոմսերի սեփականատերը՝ դրանք արգելանքից հանելուց հետո հաշված ժամերի ընթացքում։ Իսկ նշված ընկերությունը պատկանում է

«Գեոպրոմայնինգ Արմենիային», որը խոշոր բաժնետեր է ռուս միլիարդատեր Ռոման Տրոցենկոն է ու ձեռք բերված բաժնետոմսերի մի մասը շտապել է նվիրել կառավարությանը։

ՀՀ գործադիր մարմինը գաղտնի է պահում պայմանագրի պայմանները, սակայն պաշտոնյաները շարունակում են օգտվել միլիարդատիրոջ ծառայություններից։