Ռուսաստանը չի ցանկանում ներքաշվել ռազմական հակամարտության մեջ, առավել ևս՝ տեսնելով, որ Հայաստանը չի դիմադրում. Փորձագետ «Ժողովուրդ»

Սահմանում ստեղծված իրավիճակի շուրջ «Ժողովուրդ» օրաթերթը մի քանի հարց է ուղղել ռազմական փորձագետ Ալեքսանդր Խրամչիխինին:

- Ինձ համար անհասկանալի է՝ ինչու հայկական զորքը, զինվորները չեն դիմադրում: Բացարձակ անհասկանալի է, թե ինչն է նրանց խանգարում դա թույլ չտալ։ Եթե ձեր իշխանությունները հանձնել են Ղարաբաղը, ապա ինչո՞ւ նրանք բավարարվեն միայն Ղարաբաղով և չտան, ասենք, Նախիջևանի միջանցքը: Ի՞նչ պատճառ կա զարմանալու:

- Երեկ սահմանին տեղի ունեցածն ակտիվ փոխհրաձգություն է: Ի՞նչ կարելի է սպասել առաջիկայում:

-Որևէ սցենար բացառել չի կարելի: Ոչինչ պետք չէ բացառել, քանի որ կապիտուլիստական քաղաքականություն է վարվում: Այդ քաղաքականությունը ՀՀ իշխանությունների կողմից արդեն մեկ տարի է, ինչ վարվում է:

- Իսկ ի՞նչ սպասել Մոսկվայից:

- Ինձ համար բարդ է ասել՝ ինչ են մտածում Կրեմլում, բայց միանշանակ կերպով կարող եմ նշել՝ Ռուսաստանը չի ցանկանում ներքաշվել ռազմական հակամարտության մեջ, առավել ևս՝ տեսնելով, որ Հայաստանը չի դիմադրում: Ինչո՞ւ պետք է Ռուսաստանը լինի ավելին, անի ավելին, քան Հայաստանն է անում: ՌԴ-ին ոչ ոք ոչինչ պարտք չէ, և ոչ ոք կատեգորիկ կերպով ոչ ոքի չի պատրաստվում պաշտպանել, որովհետև դա որևէ մեկին պետք չէ: Եթե Դուք դիմադրում եք, ակնհայտ է՝ Ռուսաստանն ինչ-որ բան կանի, բայց եթե չեք դիմադրում, ապա ինչո՞ւ պետք է ավելին անի: Եթե այսպես շարունակվի, Ադրբեջանը լուռ և խաղաղ կերպով կկարողանա հասնել իր երազած միջանցքին՝ զուգահեռաբար լուծելով սահմանազատման-սահմանագծման, ինչպես նաև իր համար ապաշրջափակման հարցում կարևոր խնդիրները։