Աշոտ Փաշինյանն աշխատանքի կանցնի իսրայելական ընկերությունում. 168.am

Իսրայելում բարձր տեխնոլոգիաների ոլորտի աշխատողների սուր պակասը լրացնելու անհրաժեշտությամբ պայմանավորված՝ երկրի բարձր տեխնոլոգիական մարդկային ռեսուրսների աութսորսինգ ծառայությունը՝ Webiz-ը, այժմ ընդլայնում է իր գործունեությունը՝ Երևանում բացելով իր մասնաճյուղը: Իսրայելական nocamels.com կայքի փոխանցմամբ, սեպտեմբերին իսրայելական ընկերությունը հայտարարել է, որ Վրաստանի մայրաքաղաք Թբիլիսիում տեխնոլոգիական անձնակազմի հավաքագրման և վերապատրաստման կենտրոնի ստեղծումը մոտ 200 վրացիների համար պաշտոններ է ապահովել իսրայելական առաջատար բարձր տեխնոլոգիական ընկերություններում: Այս մասին գրում է 168.am-ը:

Ըստ իսրայելական լրատվամիջոցի հրապարակման, Webiz-ը ներկայումս ավարտում է իր մասնաճյուղի հիմնումը Հայաստանի մայրաքաղաք Երևանում և բացել է տեղական Webiz ակադեմիան: Ընկերությունը վարձել է տեղական մենեջերների, այդ թվում՝ Նիկոլ Փաշինյանի որդի Աշոտ Փաշինյանին, որը որպես մենեջեր կզբաղվի շնորհալի մասնագետներին գտնելու աշխատանքով։ Հայաստանի մասնաճյուղը կղեկավարի իսրայելական թիմը։

Մանրամասները՝ սկզբնաղբյուրում: