Նավթի գինը կաթվածահար արեց Ադրբեջանի տնտեսությունը
Ադրբեջանի տնտեսությունն աստիճանաբար կոլապսի մեջ է հայտնվում: Վերջին տարիներին ամենացածր նավթային գնի հետևանքով ադրբեջանական ազգային արժույթը կորցրեց իր դիրքերն ու հեղինակությունը: Միայն այս տարվա ընթացքում երկու անգամ մանաթի հուժկու գնանկում եղավ: Առաջին անգամ 34-37 տոկոսով արժեզրկվեց, իսկ օրեր առաջ 47-50 տոկոսով:
Դեկտեմբերի 21-ի առավոտյան պարզ դարձավ, որ Ադրբեջանի Կենտրոնական բանկը սահմանել է արժույթի լողացող կուրս, որի հետևանքով մանաթն արժեզրկվեց 47-50 տոկոսով: Դրանից անմիջապես հետո կանգ առավ բանկերի աշխատանքը, փակվեցին խանութները` ցանկանալով գների վերահաշվարկ կատարել: Այժմ աստիճանաբար բացվում են խանութները և բանկերն սկսում են գործարքներ կատարել, սակայն բոլորովին այլ գներով:
Ադրբեջանում այս տնտեսական փլուզման հետևանքով այն մարդիկ, ովքեր վարկեր ունեն` կանգնել են մեծ խնդրի առաջ: Բանկերը դիմում են վերադաս մարմիններին, որպեսզի թույլատրեն մանաթով տրված վարկերը հետ հավաքվեն դոլարով: Այս խառնաշփոթը միանգամից պարալիզացրեց անշարժ գույքի շուկան: Այժմ Ադրբեջանի ամբողջ տարածքում կանգնած է շինարարությունը, իսկ արդեն կառուցված շենքերը դադարեցրել են բնակարանային վաճառքը: Այն մարդիկ, ովքեր հիփոթեկով անշարժ գույք են ձեռք բերել, ցանկանում են մանաթով մարել վարկը, սակայն բանկերը հիփոթեկային վճարներն առայժմ չեն ընդունում:
Ադրբեջանում թանկացել են այն բոլոր ապրանքները, որոնք բերվում են դրսից: Ամենայն հավանականությամբ դրանք շատ մեծ թիվ են կազմում, քանի որ Ադրբեջանի տնտեսությունն աչքի չի ընկնում տեղական արտադրությամբ: Անհամեմատ թանկացել են դեղորայքի գները, սնունդը և նմանատիպ շատ ապրանքներ: Սկսել են խնդիրներ առաջանալ նաև բժշկական ապահովագորության ոլորտում. Ապահովագրական ընկերությունները չեն ցանկանում կատարել իրենց պարտականությունները: Թանկացել են նաև Ադրբեջանից դուրս գնացող տրանսպորտային միջոցների գները:
Ընդդիմադիր դաշտում խոսվում է նաև 2016 թվականի բյուջեյի ձախողված լինելու մասին, քանի որ բյուջեն հաշվարկվել է մանաթով, իսկ մանաթի 50 տոկոս անկումը մեծ պակասորդ է խոստանում բյուջեյի կատարողականում:
Նման տնտեսական խնդիրներն ու Ղարաբաղյան հակամարտության սահմանային լարվածությունն անքուն գիշերներ են խոստանում ալիևյան կլանի համար:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
