Իրանը այժմ կրկին պատրաստ է արդյունավետ բանակցությունների «4+1»-ի հետ. Հոսեյն Ամիր Աբդոլլահյան

Թեհրանը պատրաստ է արգասաբեր բանակցությունների՝ Վիեննայում Իրանի միջուկային ծրագրի շուրջ Գործողությունների համատեղ համապարփակ ծրագրի (JCPOA) վերականգնման վերաբերյալ և վճռական է հաջող արդյունքի հասնելու հարցում: Այս մասին ասվում է Իրանի արտգործնախարար Հոսեյն Ամիր Աբդոլլահյանի հոդվածում, որը հրապարակվել է «Կոմերսանտ» թերթում։

Նրա խոսքով` չնայած  Արևմուտքի պարտավորությունների չկատարմանը, բարի կամքի դրսևորման և միակողմանի և անօրինական պատժամիջոցների վերացման վերջնական նպատակի համար Իրանը այժմ կրկին պատրաստ է արդյունավետ բանակցությունների «4+1»-ի հետ ( Ռուսաստանը, Չինաստանը, Ֆրանսիան, Մեծ Բրիտանիան և Գերմանիա) լավ համաձայնության հասնելու համար: «Իրանի միջուկային գործարքի շուրջ ներկա իրավիճակը ստեղծվել է Վաշինգտոնի գործողությունների պատճառով, որը վերջին չորս տարիներին» ջանք չի խնայել JCPOA-ն ոչնչացնելու համար, - ասվում է հոդվածում։

Նշվում է, որ բանակցությունների նախորդ վեց փուլերի ընթացքում Իրանի համար պարզ է դարձել, որ ԱՄՆ-ը չի գիտակցել, որ առանց միջուկային գործարքից Վաշինգտոնի դուրս գալուց հետո Իրանի ժողովրդի նկատմամբ սահմանված բոլոր պատժամիջոցների չեղարկման, այլևս հնարավոր չէ վերադառնալ JCPOA-ին։

«ՄԱԿ-ի Անվտանգության խորհրդի 2231 բանաձևը բոլոր մասնակից երկրներին պահանջում է աջակցել  և խուսափել գործողություններից, որոնք կարող են վնասել դրան»,- գրել է Աբդոլլահյանը։