Սա, թերևս, քաղաքապետարանում աշխատանքի հետ ուղղակի կապ ունեցող վերջին գրառումս է. Հակոբ Կարապետյան

Երևանի քաղաքապետի արդեն նախկին խոսնակ Հակոբ Կարապետյանը ֆեյսբուքյան իր էջում գրառում է արել.

«Սա, թերեւս, քաղաքապետարանում աշխատանքի հետ ուղղակի կապ ունեցող վերջին գրառումս է։ Երեք տարի ու մի քիչ ավելի ժամանակ աշխատելու ընթացքում իմ ամենամեծ ձեռքբերումներից մեկը մեր լրատվականի պրոֆեսիոնալ թիմի հետ շփումն էր։ Մարդիկ, որոնց հիմնական մասը աշխատել է էստեղ երկար տարիներ շարունակ ու մարդիկ, որոնք մեր աշխատանքի ընթացքում եկան։ Նրանք բոլորը իրենց գործը անում են առավելագույն նվիրումով։ Շաբաթվա ցանկացած օր ու օրվա ցանկացած ժամի, անտրտունջ ու անխոնջ գործ ենք արել միասին, իրար տվել ենք ու իրարից վերցրել ենք՝ փորձ, գիտելիքներ, մարդկային էմոցիաներ,֊գրել է նա։

Ofelya Simonyan , Tigran Asatryan , Taron Gevorgyan Narine Melikyan Diana Karapetyan , Rafo Zarbabyan , Artur Harutyunyan , Hrant Atoyan , Arman Galstyan , Anahit Poghosyan , Vahram Nersisyan , Xcho Mkrtchyan , Narine Simonyan շնորհակալ եմ ձեզ։

Հուսով եմ, այսինքն, վստահ եմ, որ շարունակելու եք ձեր համայնքային ծառայությունը նույն նվիրումով։ Որովհետեւ դուք ՊՐՈՖԵՍԻՈՆԱԼՆԵՐ եք։

Հովսեփ ԿուբաՏյան , ախպերս, մենք ոչ tête à tête, ոչ առավելեւս հանրայնորեն իրար նկատմամբ հուզիչ զեղումներ անելու սովորություն չունենք, բայց էսօր էդ օրն ա ))։

Շնորհակալ եմ քեզ ամեն ինչի համար։ Մնացեք բարով, թանկագին ընկերներ, շնորհակալ եմ աշխատանքի ու իրար հետ ապրած կյանքի համար։

Կեցցե՛ այն խաշը, որ վաղն է գալու»: