Չավուշօղլուն խոսել է Ղազախստանի և Ղարաբաղի մաին

«Թյուրքական աշխարհի ապագան մեր մտահոգությունն է: Ղազախստանում տեղի ունեցող իրադարձությունները մեզ շատ են անհանգստացնում, մենք ուշադիր հետևում ենք տեղի ունեցող իրադարձություններին: Թուրքիայի նախագահ Ռեջեբ Թայիփ Էրդողանը, որպես Թյուրքական պետությունների կազմակերպության ներկայիս նախագահ, բանակցություններ է վարել անդամ երկրների ղեկավարների, առաջին հերթին՝ Ղազախստանի նախագահ Կասիմ-Ժոմարտ Տոկաևի հետ։ Ես զրուցել եմ նաև անդամ երկրների արտգործնախարարների, այդ թվում՝ Հունգարիայի հետ, որը դիտորդ երկիր է կազմակերպությունում», - ասել է Չավուշօղլուն։

Թուրք նախարարը հայտնել է, որ երեքշաբթի օրը տեղի կունենա Թյուրքական պետությունների կազմակերպության անդամ երկրների արտաքին գործերի նախարարների հանդիպումը։

Արտգործնախարարն ասել է, որ որոշ շրջանակներ դատապարտում են Թուրքիային Ղազախստանում բողոքի ցույցերի առաջին իսկ օրերին Թյուրքական պետությունների կազմակերպության հանդիպում չկազմակերպելու համար։

«Մենք դա ըմբռնումով ենք ընդունել, և Ղազախստանի առաջարկով մենք հանդիպում կանցկացնենք երեքշաբթի առավոտյան»,- ասել է թուրք նախարարը։

Այդ կապակցությամբ նա նշել է, որ սխալ կլինի հանդիպում կազմակերպել կամ որոշումներ կայացնել առանց կազմակերպության լիիրավ անդամ Ղազախստանի մասնակցության։

«Մենք հուսով ենք, որ Ղազախստանը որքան հնարավոր է շուտ կհասնի կայունության, խաղաղության և հանգստության: Մենք՝ Թուրքիան և Թյուրքական պետությունների կազմակերպությունը, կցուցաբերենք հնարավոր աջակցությունն այս ուղղությամբ: Ամբողջ թյուրքական աշխարհի խնդիրը մեր խնդիրն է: Ամբողջ աշխարհը դա տեսավ Ղարաբաղում տարած հաղթանակի օրինակով»,- ընդգծել է Չավուշօղլուն։