Բավական է, չի կարելի. ԱԳՆ-ի հայտարարությունը հայելային հետքաշման վերաբերյալ սխալ քաղաքականություն է, ադրբեջանական ԶՈւ-ն պետք հեռացվի․ Արման Թաթոյան
Ադրբեջանի կողմից հնչող բոլոր խաղաղասիրական հայտարարությունները կեղծ են: Այդ մասին լրագրողների հետ հանդիպմանն ասաց ՀՀ մարդու իրավունքների պաշտպան Արման Թաթոյանը։
Ըստ Թաթոյանի՝ դրանք կեղծ շղարշ են միջազգային հանրության համար՝ իրական դեմքը քողարկված պահելու նպատակով:
Նա նկատում է, որ պատերազմից հետո մեկ գրամ անգամ չի նվազել ատելությանը, հայատյացության քաղաքականությունը։
«Խաղաղությունը կարևորագույն, բարձրագույն արժեք է, բայց երբ մենք մեր իրավունքների պաշտպանության երաշխիքներ չունենք, ավելի մեծ պրոբլեմների մեջ կարող ենք հայտնվել, գլխավոր երաշխիքն ադրբեջանական զինված ծառայողների հեռացումն է», - նշեց ՄԻՊ-ը։
Թաթոյանն ասաց, թե ԱԳՆ-ի հայտարարությունը հայելային հետքաշման վերաբերյալ սխալ քաղաքականություն է։
«Դա մարդու իրավունքներն անտեսող առաջարկ է, ես հարգում եմ ԱԳՆ-ի աշխատանքը, բայց սա սխալ մոտեցում է, որովհետև հարց է առաջանում՝ մենք ո՞ւր պետք է քաշվենք, որտեղի՞ց պետք է քաշվենք, ամբողջ շփման գիծը շատ տեղերում անցնում է քաղաքացիների տների միջով, հողերի միջով, հետևաբար, այս մոտեցումը չի ապահովում մարդու իրավունքները։ Լավ, հետ քաշվեցինք, մարդկանց ո՞նց ենք թողնելու այդ իրավիճակաում, մենք, այսպես ասած, թիկունք էլ չունենք, ես ասում եմ ամենայն վստահությամբ՝ մենք պետք է մարդու իրավունքների փաստերը հիմք վերցնենք։ Հայելային հետքաշումը, ի՞նչ, է վերականգնելու է մարդկանց բնականոն կյանքը՞, ինչպե՞ս, մարդիկ, որ իրենց հողերը կորցրել են, արդյոք վերադարձվելու են, գլխավոր հարցերն այստեղ են», - ասաց Թաթոյանը։
Արման Թաթոյանն ընդգծեց, որ քաղաքական ու ռազմական պաշտոնյաները պետք է դադարեցնեն սահմանային անվտանգության, բնակիչների իրավունքների պաշտպանությանը վերաբերող հարցերը դիտարկել միայն ռազմական ու քաղաքական տեսանկյունից։
«Բավական է, չի կարելի, չի կարելի մարդուց կտրել իր անվտանգության հարցը։ Եթե մենք շարունակենք կտրել անվտանգությունը մարդուց ու մարդու իրավունքներից, մենք կզրկվենք նաև անվտանգությունից, մեր պետական քաղաքականությունը պետք է ընթանա մարդու իրավունքների պաշտպանության մեխանիզմներով», - հայտարարեց ՀՀ ՄԻՊ-ը։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Զորակոչից մինչև ողբերգություն․ ի՞նչ է տեղի ունեցել զինվորի հետ. «Ժողովուրդ»
