«Ինչ ուզենամ կանեմ»-ը հարկադիրում վտանգավոր է ատամնաշարի համար. Արտակ Գալստյան

Արդեն հանրահայտ փաստ է, որ «Սյունյաց Ողջույնների» կուսակցությունը իրենց հոգեվարքը երկարացնելու համար, որդեգրել են «ԻՆՉ ՈՒԶԵՆԱՄ ԿԱՆԵՄ», իրենց դեպքում ահավոր ծիծաղելի կարգախոսը: Ի՞նչու ծիծաղելի, քանի որ «Սյունյաց Ողջույնները» նույնիս իրենց տանը կամ բակերում ինչ ուզում են չեն կարում անել, ուր մնաց պետության մակարդակով: Այստեղ տեղին է ասել «Սյունյաց Ողջույններին» երազելը ձեր դեպքում վնասակար է, հատկապես ձեր ատամնաշարերի համար, պատահաբար կարող են թափվել:

Այս համատեքստում երազող «Սյունյաց Ողջույնների» մի ստորաբաժանում էլ փորձում են դարձնել Հարկադիր կատարման ծառայությունը, որը ոչ ավել, ոչ պակաս ղեկավարում է իր մոտ ազգականին «Սյունյաց Ողջույնների» կուսակցությանը դեմ դուրս գալու համար աշխատանքից հեռացրած, Իրավաբանական գիտությունների թեկնածու, դոցենտ Սերգեյ Մեղրյանը, որի դեպքում դեռ պետք է հասկանալ, որ խելոքն է նրան տվել Իրավաբանական գիտությունների թեկնածու, դոցենտի կոչումը:
Այսպես՝

Հարկադիր Ծառայության Ավան,Նոր Նորք, Քանաքեռ Զեյթուն բաժնում իր «ծառայությունն» է իրականացնում Արմենուհի Մելքոնյանը, որին 06.10.2021թ-ին Սերգեյ Մեղրյանը շնորհել է արդարադատության ավագ լեյտենանտի կոչում: Փորձեցինք պարզել թե ի՞նչ «ծառայություն» է իրականում մատուցում Արմենուհի Մելքոնյանը, որ արժանացել է Սերգեյ Մեղրյանի անչափ հոգատար վերաբերմունքին:

Պարզվեց, որ սույն աղջիկը, հարկադիր կատարման ծառայությունում առաջինն է ներմուծում «Սյունյաց Ողջույնների» կուսակցության, «ԻՆՉ ՈՒԶԵՆԱՄ ԿԱՆԵՄ» կարգախոսը:

Մասնավորապես՝

-Իր վարույթում գտնվող գործերից մեկով, Արմենուհի Մելքոնյանը ստանում է կատարողական թերթ, բանկի օգտին բռնագանձել 34.000.000 ՀՀ դրամ: Դատարանը վճռով նշում է, որ բռնագանձումը պետք է տարածել միայն գրավադրված գույքերի վրա: Արմենուհի Մելքոնյանը արագ աճուրդով իբր վաճառում է երկու տունը, գնորդը հանդիսանում է հենց նույն բանկը, այլ կերպ ասած անձից օրինական գործընթացի շղարշի տակ խլում են մեկ սեփական տուն Առինջում և 3 սենյականոց բնակարան Քանաքեռ Զեյթուն համայնքում, որից հետո ծանուցում է արդեն անտուն մնացած պարտապանին, որ իր տները վաճառել է 36000000 ՀՀդրամով, բանկի փողը տվել է բանկին, հարկադիրի կատարողական ծախսը 2000000 դրամ գանձել է և կատարողական վարույթը ավարտել է: Այսինքն, ըստ այդ ծանուցման դատարանի վճիռը կատարված է և անձը այլևս չունի որևիցե պատասխանատվություն բանկի, դատարանի և հարկադիրի առջև: Սա օրենքով, բայց ոչ թե «Սյունյաց Ողջույնների» կուսակցության «ԻՆՉ ՈՒԶԵՆԱՄ ԿԱՆԵՄ» կարգախոսի նվիրյալ Արմենուհի Մելքոնյանի կամ նրա պետ Սերգեյ Մղերյանի համար:

Ծանուցումից մեկ ամիս անց, արդեն իսկ ավարտված կատարողական թերթի հիման վրա Արմենուհի Մելքոնյանը կրկին հարուցում է կատարողական վարույթ և առանց դատարանի որոշման որոշում է նույն պարտապանից գանձել ևս 36 000 ամն դոլար և այդ նպատակով հետախուզում է հայտարարում արդեն վերջինիս շարժական գույքերի նկատմամբ:

-Մեկ այլ գործով 19 նոյեմբերի 2021թ-ին Արմենուհի Մելքոնյանը ստանում է կատարողական թերթ, ըստ որի պետք է պարտապանից համապարտությամբ գանձի 700.000 ՀՀ դրամ:

10 դեկտեմբերի 2021թ-ին Արմենուհի Մելքոնյանը հետախուզում է հայտարարում պարտապանի գույքի նկատմամբ ընդ որում հայցի ապահովման նպատակով 3.000.000 դրամի չափով:

Այլ կերպ ասած «ԻՆՉ ՈՒԶԵՆԱՄ ԿԱՆԵՄ» Արմենուհի Մելքոնյանը, ավարտված վճռով, հստակ տեսնելով, որ անձի պարտավորությունը 700.000 ՀՀ դրամ է, որոշում է հետախուզել նրա գույքը 2.300.000 ՀՀ դրամ ավել գումարով, այն էլ ինչ որ հայցի ապահովման համար, կրկին առանց դատարանի որոշման: Թե ում հետ էր պատրաստվում կիսվել Արմենուհի Մելքոնյանը ենթադրյալ ավել գանձվող գումարը թող պարզի դատախազությունը:

Ասեմ ավելին, ես նաև ընդունում եմ, որ դիցուք Արմենուհի Մելքոնյանը և Սերգեյ Մղերյանը իրար հետ «ԻՆՉ ՈՒԶԵՆԱՆ ԿԱՆԵՆ» և դա իմ գործը չէ, բայց պարտավոր եմ զգուշացնել, երբ խնդիրը վերաբերվում է մեր և մեր վստահորդների օրինական շահերին, ապա նրանց «ԻՆՉ ՈՒԶԵՆԱՄ ԿԱՆԵՄԸ» կարող է լուրջ վտանգ առաջացնել վերջիններիս ատամնաշարերին կամ անձնական ազատությանը, ատամնաշարերը կարող են թափվել, իսկ ազատությունից էլ օրինական դատական ակտով կարող են զրկվել:

Հ.Գ
Մենք ընդունում ենք, որ Կարեն Անդրեասյանի Արդարադատության նախարար նշանակվելը որոշակի կանրադառնար Հարկադիր Ծառայության վրա, թեկուզ գունափոխման մասով, ասենք սև-ից երկնագույն, բայց որ այդ գունափոխումը կներծծվեր նաև որոշ Հարկադիրի ծառայողների և պետերի էության մեջ, այ դա անսպասելի էր:
Շարունակելի…….

«Հայոց հայրենիք» կուսակցության ղեկավար

Արտակ Գալստյան