Իլհամ Ալիևը խոսել է Նիկոլ Փաշինյանի և Սորոսի միջև կապի մասին, նրանց անվանել «երկգլխանի դև»

Freedom House, Amnesty International, Human Rights Watch, Սորոսը և նրա կողմից վերահսկվող կառույցները  հավատարիմ են հակաադրբեջանական դիրքորոշմանը և ցանկանում են ոչնչացնել Ադրբեջանը: Այս մասին հայտարարել է Ադրբեջանի նախագահ Իլհամ Ալիևը։ Երիտասարդների հետ հանդիպմանը Ալիևը նշել է.

«Որտեղի՞ց են դրանք ֆինանսավորվում: Խոշոր պետությունների բյուջեներից։ Ինչպես ասում են՝ երաժշտություն պատվիրողը խոսք ունի։ Նրանց նպատակն Ադրբեջանն ու նրա ղեկավարությունն է։ Որովհետև փորձեցին մնացած բոլոր մեթոդները և չստացվեցին։ Հեղափոխությունը չաշխատեց, հեղաշրջումը չաշխատեց, չաշխատեց դժգոհություն առաջացնելու համար։ Փորձեցին օգտագործել Ղարաբաղի հարցը, բայց դա էլ չստացվեց։ Այսօր մենք հասանք պատմական հաղթանակի, ուստի նրանք փնտրում են նոր մեթոդներ և նրանց նպատակը երիտասարդությունն է։ Նրանք կարծում են, որ երիտասարդությանը մոլորեցնելը շատ ավելի հեշտ է։

Ուստի հիմա Հայաստանի հետ միասին նոր ծրագրեր են կառուցում։ Համացանցում հայտնի լուսանկար է հայտնվել՝ Սորոսն ու Նիկոլ Փաշինյանը. Չգիտեմ տեսել եք, թե ոչ, բայց եթե նայեք, կգտնեք, թե ինչ անկեղծությամբ էին նրանք կանգնած՝ երկգլխանի վիշապի պես կառչած իրարից։ Բայց վիշապը թույլ էր, ոչինչ չեղավ։ Բայց ճշմարտությունն այն է, որ բոլոր, այսպես կոչված, հեղափոխությունների թիկունքում կանգնած են նույն ուժերը։ Բոլորը տեսնում են, թե ինչի են հանգեցնում հեղափոխությունները, այդ թվում՝ Հայաստանում»,- ասել է Ալիևը։