Ի՞նչ ծրագիր է իրականացնում ГИДУВ-ը «Սորոսի» հիմնադրամի պատվերով. փաստաթղթեր. Pastark.am

Pastark.am-ը գրում է. 2022 թվականի հունվարի 24-ին ՀՀ առողջապահության նախարար Անահիտ Ավանեսյանը ստորագրել է No 05 — Ն հրամանը «ՕՐԳԱՆՆԵՐԻ ԵՎ ՀՅՈՒՍՎԱԾՔՆԵՐԻ ԴՈՆՈՐՆԵՐԻ ՈՒ ՌԵՑԻՊԻԵՆՏՆԵՐԻ ՌԵԵՍՏՐԻ ԳՈՐԾՈՒՆԵՈՒԹՅԱՆ, ՏԵՂԵԿՈՒԹՅՈՒՆՆԵՐԻ ԳՐԱՆՑՄԱՆ ԵՎ ՕԳՏԱԳՈՐԾՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ»։

Այս հրամանի համաձայն Օրգանների և (կամ) հյուսվածքների դոնորների ու ռեցիպիենտների ռեեստրը առցանց էլեկտրոնային տեղեկատվական համակարգ է, որը հասանելի է.

1. օրգաններ և (կամ) հյուսվածքներ վերցնող, մշակող բժշկական օգնություն և սպասարկում իրականացնող բժշկական կազմակերպություններին,

2. օրգանների և (կամ) հյուսվածքների փոխպատվաստում իրականացնող բժշկական օգնություն և սպասարկում իրականացնող բժշկական կազմակերպություններին։

Ռեեստրը վարում է Հայաստանի Հանրապետության առողջապահության նախարարության «ԱԿԱԴԵՄԻԿՈՍ Ս․ ԱՎԴԱԼԲԵԿՅԱՆԻ ԱՆՎԱՆ ԱՌՈՂՋԱՊԱՀՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԲԸ-ն (National Institute of Health after Academician S. Avdalbekyan)։

Հետաքրքրական է այն փաստը, որ «ԱԿԱԴԵՄԻԿՈՍ Ս․ ԱՎԴԱԼԲԵԿՅԱՆԻ ԱՆՎԱՆ ԱՌՈՂՋԱՊԱՀՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԲԸ-ն ՀՀ-ում Սորոսի հիմնադրամից (Բաց հասարակության հիմնադրամ Հայաստան) 2021 թվականի դեկտեմբերի 23-ին ստացել է 40.360 ԱՄՆ դոլար դրամաշնորհ (գրանտ)` էլեկտրոնային բժշկական գրադարանն արդիականացնելու և զարգացնելու համար։

Հետաքրքրական է նաև այն հանգամանքը, որ «ԱԿԱԴԵՄԻԿՈՍ Ս․ ԱՎԴԱԼԲԵԿՅԱՆԻ ԱՆՎԱՆ ԱՌՈՂՋԱՊԱՀՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԲԸ պաշտոնական և ֆեյսբուքյան էջերում ԲԱՑԱԿԱՅՈՒՄ Է ՀՀ ԱՆ նախարարի վերոնշյալ հրամանի մասին որևէ հայտարարություն։

Արդյո՞ք «ԱԿԱԴԵՄԻԿՈՍ Ս․ ԱՎԴԱԼԲԵԿՅԱՆԻ ԱՆՎԱՆ ԱՌՈՂՋԱՊԱՀՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԲԸ-ն կամ, ինչպես բժշկական հանրության շրջանում է ընդունված ասել, ГИДУВ-ը ներգրավվել է 2010 թվականին ՀՀ Սահմանադրական Դատարանի կողմից հակասահմանադրական ճանաչված «Դիակներից օրգանների և (կամ) հյուսվածքների փոխպատվաստման գործընթացքում»` Սորոսի հիմնադրամի պատվերով, ցույց կտա ժամանակը։ Սակայն, առկա փաստերն ու փաստաթղթերը հիմնավոր կասկածելու տեղիք են տալիս։