Ես քեզ քուանշ եմ տալիս, Քերոբյան տղա, ստի՞. Գևորգ Պետրոսյանը նախարարին հրավիրեց իրարից 5 մետր հեռու քայլելու (տեսանյութ)

Ազգային ժողովի նախկին պատգամավոր Գևորգ Պետրոսյանը «Հայելի» մամուլի ակումբում կայացած ասուլիսի ժամանակ մեջբերեց Էկոնոմիկայի նախարար Վահան Քերոբյանի խոսքը՝ նրան որակելով իբրև նախարարի աթոռին ծվարած մեկը:

«Ես մշտապես քայլում եմ, քաղաքացիները մոտենում են ինձ և շնորհակալություն հայտնում,- Քերոբյանի խոսքը մեջբերեց Պետրոսյանն ու շարունակեց.- Ստի՞, այ տղա: Նախ, ի՞նչ ա նշանակում՝ ես մշտապես քայլում եմ: Արա, նախարար էլ դառաք, չթարգեցի՞ք էդ քայլելը: Նախարարն ի՞նչ գործ ունի մշտապես քայլի, դու գլխներիս վազորդ ես, ինչ ես: Հասկացանք` քայլիստ ես եղել, բայց դու բան ու գործ չունե՞ս, որ սաղ օրը քայլում ես: Ստի՞, այ տղա, ո՞վ ա քեզ ճանաչում: Դոշիդ նշանը հանի, մի կողմ գցի, Ազգային ժողովում միկրոֆոնների դիմաց մի կանգնի, Քերոբյան տղա, հլը դուրս արի, տես` քեզ ո՞վ ա ճանաչում»,- ասաց Պետրոսյանը:

Քաղաքական գործիչը հարցեր ուղղեց նախարարին, թե հատկապես ինչի՞ համար են նրան շնորհակալություն հայտնում:

«Որ իբր թե իրեն ճանաչում-մոտենում են, դա իր վառ երևակայություն  է, կարող է գիշերը երազ է տեսել, վեր է կացել, պատմում է: Ի՞նչի համար են շնորհակալություն հայտնում՝ արտագաղթի, սոված լինելո՞ւ, տնտեսությունը վարի տալո՞ւ, այ ընկեր, գործազրկության աճի համա՞ր, ձեռնարկություններ փակելո՞ւ: Հիմա էլ խոսում են բուհերը միավորելու մասին, էդ ո՞վ ա էդ աննորմալ գաղափարի հեղինակը: Կրճատումներ են լինելու, դրա համար ո՞նց կարող ա շնորհակալություն հայտնեն: Հիմա, ես քեզ քուանշ եմ տալիս, Քերոբյան տղա: Ուրեմն օր ու ժամ ասա ես ու դու Աբովյան պուրակից իրար հետ ոտքով, իրարից 5 մետր հեռավորության վրա, որովհետև ես քեզ մոտ քայլելու առանձնապես մեծ ցանկություն չունեմ, քայլում ենք Հանրապետության հրապարակ: Եթե քեզ 5 մարդ մոտեցավ, ես մաղարիչ եմ անում քեզ, որ գնաս էդ օրը տժժաս, լավ զգաս քեզ, տենամ քեզ 5 մարդ կճանաչի, որ մոտենա»: 

Մանրամասները՝ տեսանյութում