Օտարը նայում է մեզ և մտածում՝ հայերն իրականում չե՞ն հասկանում, որ գնում են դեպի պետության ապամոնտաժման, թե՞ պարզապես որոշել են ազգովի կործանվել․ Աբովյան

Ես չեմ հասկանում այն աղմուկը, որը տիրում է «հպարտ քաղաքացիների» և հասարակ հայերի մոտ։ Այս մասին ֆեյսբուքյան իր էջում գրել է նախկին պատգամավոր Արման Աբովյանը։ Նա մասնավորապես նշել է․

«Հազար անգամ ներողություն եմ խնդրում, բայց բացի վարդագույն երեզանքներից գոյություն ունի դառը իրականություն,որի հետ ուզենք թե՛ չուզենք այնուամենայնիվ պետք է հաշվի նստենք։

Երբ մենք պահանջում ենք շուրջ բոլորից, որ մեր շահերը և հետաքրքրությունները հաշվի առնեն, իսկ մենք, որպես պետություն  «լայաղ» անո՞ւմ ենք մեր երկրի շահերը պաշտպանել։

ՈՉ՛

Երբ մենք,որպես պետություն պահանջում ենք մեզ հարգել և հաշվի նստել մեզ հետ,իսկ՞ մենք այսքանից հետո հարգում՞ ենք ինքներս մեզ։

ՈՉ՛

Օտարը տեսնում է միայն իրական պատկերը,այսինքն տեսնում է, որ մենք մեր ձեռքով նետում ենք մեր երկիրը և մեր ազգի ապագան թուրքադրբեջանական բարբարոսների երախը ՜ անվանելով պեռության ոչնչացումը և ազգային ինքնասպանությունը «խաղաղության դարաշրջան»։

Օտարը տեսնում է, որ հենց խոսքը գնում է Հայաստանի կամ Արցախի կենսական շահերի համար պայքարելու մասին,մենք կլորացնում ենք մեր աչքերը և դողդողալով բղավում ենք

֊Վվվաաայյյ, ինչ ուզում ա լինի, ինչ ուզում են՝ անեն, մենակ պատերազմ չլինի։ Վայ, Վայ, Վայ։

Ընդ որում, օտարը շատ լավ հասկանում է, որ մենք այս անողնաշար և ապազգային քաղաքականությամբ պատերազմը ինքներս ԱՐԴԵՆ բերել ենք մեր տուն։

Օտարը նայում է մեզ և մտածում է, հայերը իրականում չե՞ն հասկանում, որ գնում են դեպի պետության ապամոնտաժում և ազգային կոտորած, թե՞ հայերը պարզապես հոգնել են դիմադրել իրենց ոչնչացնողներին և հետևաբար որոշել են ազգովի կործանվել։

Իմացեք միայն մի բան, ոչ ոք մեր տեղը մեր արժանապատվության, պատվի, հաշերի և ապագայի համար կռիվ չի տալու, եթե մենք ինքներս հրաժարվում ենք պայքարել։

Ոչ ոք մեզ չի հարգի, որպես պետություն և ժողովուրդ, մինչև մենք ինքներս մեզ չհարգենք։
Եվ ոչ ոք մեզանից շատ չի սիրելու մեր Հայաստանը և Արցախը։
...
Հարգի քեզ և կլինես հարգված»։