Կարծում եմ մշակված հնարավոր սցենարը դժվար չէ գուշակել... քաղաքագետ

Ռուս-ուկրաինական պատերազմն ու այդ կապակցությամբ արևմուտքի պահվածքը տարբեր վերլուծությունների առիթ է տվել: Այս մասին ֆեյսբուքյան իր էջում գրել է քաղաքագետ Ռոբերտ Մարգարյանը։ Նա մասնավորապես նշել է.

«Արևմուտքի նման պահվածքը կարող է նաև մեկ այլ բացատրություն ունենալ:
Իրանի նախկին նախագահ Մահմուդ Ահմադինեժադը, որ վերջին շրջանում հաճախ է հանդես գալիս իր սկանդալային հայտարարություններով, երկու ամիս առաջ մի ելույթի ժամանակ հետաքրքիր բացահայտում կատարեց: Նա հայտարարեց, որ հստակ տեղեկություն ունի այն մասին որ ԱՄՆ-ի ու Ռուսաստանի միջև գաղտնի գործարք է կայացել, որի համաձայն Ռուսաստանը ռազմական գործողություններ է սկսում և ստանում է Ուկրաինան, իսկ ԱՄՆ-ն՝ Իրանը:

Իրանի նախկին նախագահի կանխատեսումը հետաքրքիր կարող է համարվել եթե նկատի առնենք մի քանի հանգամանք:

Այս օրերին Վիեննայում վերջին փուլին են մոտենում միջուկային նոր համաձայնության շուրջ Իրանի և արևմուտքի միջև ընթացող բանակցությունները:

Այս երկու զուգահեռ իրադարձություններին իրար միացնող օղակները Ռուսաստանը, արևմուտքն ու ԱՄՆ-ն են:

Իսկ ինչպես Իրանի նախկին ԱԳ նախարար Զարիֆն էլ ընդգծել էր անցած մայիսին հրապարակված գաղտնի ձայնագրության մեջ, Ռուսաստանը նախորդ բանակցությունների ժամանակ արել է ամեն ինչ խանգարելու Իրանի և արևմուտքի միջև միջուկային համաձյանությունը և որպես փաստ ներկայացնում է համաձայնագրի ստորագրման հետ կապված հայտնի լուսանկարում Լավրովի բացակայությունը:

Հիշենք, որ այսօր Ուկրաինայի նախագահը հայտարարել է, որ երկրից հեռանալու առաջարկ է ստացել ԱՄՆ-ից, ինչը մերժել է:

Կարծում եմ մշակված հնարավոր սցենարը դժվար չէ գուշակել:

Զելենսկին հրաժարական է տալիս ու հեռանում է: Ուկրաինան դառնում է ռուսական ազդեցության գոտի: Դրա դիմաց Ռուսաստանը չի խանգարում Իրանի հետ միջուկային նոր համաձայնագրի ստորագրումը»...