Ադրբեջանից բռնագաղթած 254 ընտանիքներ բնակարանների գնման վկայականներ կստանան մարզերում (տեսանյութ)

Կառավարությունն իր այսօրվա՝ մարտի 10-ի նիստում որոշեց բնակարանների գնման վկայականներ տրամադրել 1988-1992 թվականներին Ադրբեջանից բռնի տեղահանված և ժամանակավոր կացարաններում ապրողներին, որոնք բնակվում են մարզերում:

ՏԿԵ նախարար Գնել Սանոսյանը նշեց, 2020-ին այս գործընթացն առաջին անգամ իրականացվեց Երևանում. «Մենք 2021-ի տաևրեվերջին ավարտեցինք Երևանում և վերադառնում ենք մարզեր»,-ասաց Սանոսյանը` հավելելով, որ մի փոքր փոփոխություն են մտցրել որոշման մեջ։

Այս տարի բյուջեում այս գործընթացի համար ունենք նախատեսված 1,4 միլիարդ դրամ. 254 ընտանիքի է այս որոշումն առնչվում: Բնակարանի գնման վկայականը տրվելու է այն մարզում, որտեղ նրանք հաշվառված են, այսինն պետք է բնակարան գնի այդ մարզում: