ՔՊ-ականին պատկանող գործարանից գարշահոտություն է տարածվում․ բնակիչներն ահազանգում են (տեսանյութ)

Շիրակի 92/2 հասցեում գործող գործարանին հարող տարածքի բնակիչների համբերությունն արդեն հատել է և նրանք ահազանգել են NEWSPRESS.am-ին՝ բարձրաձայնելու իրենց առջև ծառացած խնդիրը։

Ըստ մեր ստացած ահազանգի՝ գործարանի բակում մեծ քանակությամբ աղբ է կուտակված, ինչն էլ դարձել է գարշահոտության պատճառ։ Բնակիչներն այլևս չեն կարողանում բացել դռներն ու պատուհանները, քանի որ, նրանց խոսքով, տեղանքը «խոլերայի բուն» է։ 

Իհարկե, քաղաքացին, ով մեզ դիմել է բնակիչների անունից, չցանկացավ հրապարակել իր անունը, սակայն տեղեկացրեց, որ գործարանը պատկանում է ՔՊ-ականներից մեկին, թե ում՝ մեր զրուցակիցն առայժմ չբացահայտեց։ Գործարանը, սակայն, գրանցված է ոչ թե ՔՊ-ականի, այլ նրա ազգականներից մեկի անունով։

Բացի այդ, մեզ հայտնեցին, որ գործարանը, որը զբաղվում է թղթե բաժակների արտադրությամբ, գտնվում է գնացքի երկաթգծի հարևանությամբ։ Տարօրինակն այն է, սակայն, որ գնացքները գալիս-գնում են և, օդում կախված լուրերի համաձայն, ինքնաթիռների վառելիք են տեղափոխում։ 

Մեզ հետ զրուցած և տեսանյութը մեզ տրամադրած քաղաքացին նաև հաղորդեց, որ վախի մթնոլորտ է տիրում, և իրենք վախենում են և՛ իրենց, և՛ գործարանի սեփականատիրոջ անունները բարձրաձայնելուց։ 

NEWSPRESS.am-ը հետամուտ է լինելու այս խնդրի լուծմանը և գնալու է տեղում իրանացնելու նկարահանումներ այս արտադրամասի տարածքում։