Արարատ Միրզոյանը տարրական միջազգային հարաբերությունների գիտելիք չունի, նրանից ի՞նչ պաշտոնյա․ Մամիջանյան

«Պատիվ ունեմ» խմբակցության պատգամավոր Հայկ Մամիջանյանն ընդդեմ հայ-թուրքական հարաբերությունների ցույցի ժամանակ հայտարարեց, որ փողոցային պայքարը չի ավարտվել և ավարտվելու է այն ժամանակ, երբ Հայաստանն ունենա արժանապատիվ իշխանություն։

«Ինչ վերաբերում է ակցիաների շարունակականությանը, ապա թե՛ այստեղ նստած թշնամին, թե՛ սահմանից այն կողմ գտնվող թշնամին պիտի հասկանա, որ մի խուտայի քիրվայությունը, դրական ազդակներ տեսնել մի հարցում, որ մեր եղբայրներին են սպանում ու գերեվարում, մեր երկրի քաղաքացիներից ոչ մեկի համար դրական ազդակ չէ։ Միայն իրենց խունտայի համար է ազդակ։ Ե՛վ նրանք, և՛ սահմանից այն կողմ գտնվող թշնամին թող լավ հասկանան, որ Հայաստանի հետ վերջնագրերով չեն խոսում, որ Արցախն Ադրբեջանի կազմում երբեք չի լինելու։ Ու կապ չունի, թե սրանք դրա դեմը չեն առնելու»,- նշեց Մամիջանյանը։

Անդրադառնալով Արարատ Միրզոյանի այն հայտարարությանը, որ հայ ժողովրդի մեծամասնությունը պատրաստ է Թուրքիայի հետ հարաբերություններ հաստատել՝ Մամիջանյանը նշեց․ «Արարատ Միրզոյանը տարրական միջազգային հարաբերությունների գիտելիք չունի։ Եվ դա ունի 2 պատճառ։ Իր ներկայացրածը պարզապես սուտ է։ ՀՀ քաղաքացիների միայն 5-10% է համաձայն, որ Թուրքիայի հետ հարաբերություններ հաստատվեն։ Երկրորդ․ նա պնդում էր, որ տասնամյակում նա միակ հայ պաշտոնյան է, որ այցելել է Թուրքիա։ Այ այստեղ 2 սուտ կա։ Դե առաջինը՝ Արարատ Միրզոյանից ի՞նչ պաշտոնյա, իսկ երկրորդը կայանում է նրանում, որ 2014թ․ Հայաստանի ԱԳ նախկին նախարար Էդվարդ Նալբանդյանը մասնակցել է Թուրքիայի նախագահի երդմնակալությանը, և փոխանակ ատամները լայն բացելուն, ինչպես արել է Արարատ Միրզոյանը, փոխանցել է հրավեր, Հայոց ցեղասպանության 100-ամյա տարելիցի միջոցառումներին մասնակցելու համար։ Այ էդպես էին առաջ խոսում թուրքերի հետ, իսկ թե հիմա ինչպես են խոսում՝ գիտենք բոլորս»։