Փողոցների մաքրման աշխատանքները վերահսկողությունից դուրս են

Երևանի երթևեկությունը, առատ ձյան պատճառով, կաթվածահար է եղել:

Թեև քաղաքապետարանի տեղեկատվության և հասարակայնության հետ կապերի վարչությունից, արդեն երրորդ oրն է, անընդմեջ հայտնում են, որ մայրաքաղաքի համապատասխան բոլոր ծառայություններն աշխատում են արտակարգ ռեժիմով, սակայն փողոցներում ու մայթերում դեռևս առկա են սառցաշերտեր, որոնք վթարային իրավիճակների առիթ են դառնում:

Հատուկ տեխնիկայի միջոցով փողոցների մաքրման աշխատանքերի մասին քաղաքապետարանի հայտարարությունը միայն մի կետով է համապատասխանում իրականությանը, այն է` փողոցներում երբեմն երևում են մաքրող մեքենաներ: Սակայն այդ մաքրման աշխատանքները լիարժեք չեն կատարվում, քանի որ քաղաքը սառցաշերտից դեռևս չի ազատվել:

Newspress.am-ը ականատես է եղել, որ շատ երթուղայիններ, ճանապարհների անանցանելիության պատճառով, որոշակիորեն փոխել են իրենց երթուղին: Իհարկե սրանից տուժում են նաև ուղևորներն, ովքեր կամ չեն հասնում իրենց անհրաժեշտ կանգառին, կամ էլ որևէ կանգառում մնում են` երկար սպասելով երթուղային գիծն սպասարկող տրանսպորտին:

Թեև մասնագետները մաքրման աշխատանքերի հետ կապված թերությունները բացատրում են անընդհատ տեղացող առատ ձյան հանգամաքով, որը խանգառում է մաքրել փողոցը, սակայն հարկ է նկատել, որ գիշերը ձյան տեղումները այնուամենայնիվ դադարում են, ուստի հնարավոր է այդ ժամերին կատարել աղի և ավազի խառնուրդով մշակման աշխատանքներ:

Բայց, քանի որ նման աշխատանքներ չեն տարվում, ուստի առավոտյան դարձյալ կտեսնենք սառած փողոցների պատճառով տեղի ունեցող ավտովթարներ և սայթակող անցորդներ:

Այս ֆոնին արդեն համապատասխան մարմինների կողմից մաքրման աշխատանքերի շուրջօրյա վերահսկողության մասին խոսելն ավելորդ է, քանի որ հենց առաջին օրից դրանք վերահսկողությունից դուրս են եկել: