Հայաստանին խորհուրդ ենք տալիս իրացնել ստանձնած պարտավորությունները․ Ադրբեջանի ԱԳՆ-ն պատասխանել է ՀՀ ԱԳՆ-ին

Ադրբեջանի արտաքին գործերի նախարարության կոչ է արել Հայաստանին կատարել եռակողմ հայտարարությունների շրջանակում ստանձնած պարտավորությունները։ Այս մասին գրում է Minval.az-ը՝ հղում տալով Ադրբեջանի ԱԳՆ-ի մամուլի ծառայության ղեկավար Լեյլա Աբդուլաևայի հայտարարությունը, որով նա պատասխանել է Հայաստանի ԱԳՆ-ին՝ Արցախի գազամատակարարման հետ կապված։ 

«Մենք Հայաստանին խորհուրդ ենք տալիս ապահովել եռակողմ հայտարարությունների վերաբերյալ իր պարտավորությունների կատարումը, այդ թվում՝ տարածաշրջանում տեղակայված զինված ուժերի մնացորդների դուրսբերումը և դրանով իսկ նպաստել տարածաշրջանային խաղաղությանն ու անվտանգությանը, և չանել անհիմն հայտարարություններ»,- ասել է Աբդուլաևան։ 

Աբդուլաևայի խոսքով՝ Հայաստանի ԱԳՆ-ն փորձում է միջամտել Ադրբեջանի ներքին գործերին։ Մի քանի օր առաջ այդ փորձն արվել է՝ կապված միջազգային կազմակերպությունների մասնակցության հետ կապված միջոցառմանը։

«Հայաստանի կողմից ոչ կառուցողական մոտեցման մշտական ​​դրսևորումը, անհիմն պնդումներ անելը, բացահայտում է այս երկրի իրական մտադրությունները։ Խորհուրդ ենք տալիս Հայաստանին, անհիմն և անօրինական պահանջներ ներկայացնելու փոխարեն, զբաղվի իրենց եռակողմ հայտարարությունից բխող պարտավորությունների կատարմամբ՝ ապահովելով զինված ուժերի մնացորդների դուրսբերումն Ադրբեջանի տարածքից՝ դրանով իսկ նպաստելով տարածաշրջանային խաղաղությանն ու անվտանգությանը»,- նման կերպ է արտահայտվել ԱԳՆ ներկայացուցիչը։