Ըստ վարչապետի, երկիրը «без пяти» պատերազմի մեջ է, բայց մենք դեռ ԳՇ պետ չունենք. Վիտալի Մանգասարյան (ֆոտո)

Տեսնես Նիկոլ Փաշինյանը հասկանո՞ւմ է, որ եթե դիվանագիտական ճանապարհով չհաջողվի խուսափել պատերազմից, և խաղաղության դարաշրջան բացելու մարտավարությունը հօդս ցնդի, ապա իր գլխավորությամբ ո՞վ է կռիվ գնալու։ Այս մասին ֆեյսբուքյան իր էջում գրել է «Հենակետ» վերլուծական կենտրոնի անվտանգության հարցերով փորձագետ Վիտալի Մանգասարյանը, արձագանքելով կառավարության նիստում Նիկոլ Փաշինյանի հնչեցրած հայտարարություններին:

Նա, մասնավորապես, նշել է.

«Ո՞վ է հավատալու, որ այս «լեգիտիմ ջահելները» այս անգամ կարողանալու են պատերազմ վարել, էլ չեմ խոսում հաղթելու մասին։

Ի՞նչ ենք արել այս 1.5 տարիների ընթացքում, որպեսզի կարողանանք դիմադրել սպասվող մարտահրավերներին, ինչի մասին շատերը խոսել են, և ահազանգել են, որ այս օրը հեռու չէ։

Ըստ վարչապետի երկիրը «без пяти» պատերազմի մեջ է, բայց մենք դեռ ԳՇ պետ չունենք։

Ստեղծված իրավիճակից ելքը բնականաբար շատ դժվար և բարդ է, սակայն պարզ և ակնհայտ է , որ շատ մեծ ցանկության դեպքում էլ «լեգիտիմ ջահելների» ուժերից վեր է։

Խաղաղ դարաշրջան բացելու խոստումով եկան իշխանության, և անգամ հիմա չեն հասկանում, որ քնած մարդուն կացնահարած թշնամին տեսանելի ապագայում չի պատրաստվում խաղաղության գնալ»։