Ռուզաննա Խաչատրյանը՝ իր 50 հազար եվրո արժողությամբ պայուսակով եկել էր փրկելու հայրենի՞քը, թե՞... (լուսանկարներ)

Երեկ՝ ապրիլի 5-ին տեղի ունեցավ խորհրդարանական ընդդիմության կազմակերպած հանրահավաքը: Թե ինչ տվեց այդ հանրահավաքը և ինչ շարունակականություն կունենա, դրան դեռ կանդրադառնանք: 

Ուշագրավ էր, որ հայրենիքի փրկության համար կազմակերպված հանրահավաքին ՀՀ պաշտպանության նախկին նախարար Սեյրան Օհանյանի կինը՝ Ռուզաննա Խաչատրյանը, եկել էր թանկարժեք ու աչքի ընկնող աքսեսուարներով...

Հարկ է նկատել, որ ո՛չ Ռուզաննա Խաչատրյանի եկամուտը, ո՛չ էլ նրա ամուսնու՝ Սեյրան Օհանյանի աշխատավարձը ու կենսաթոշակը չէին կարող բավականացնել բռնել լեգենդար Hermes Birkin նորաձևության տան՝ կոկորդիլոսի կաշվից կարմիր պայուսակը:

Համենայնդեպս, այս զույգի հայտարարագրած եկամուտները հաստատ թույլ չէին տա նման շռայլություն։

Այս պայուսակների օրիգինալները դեռ 2011 թվականին գերազանցել են 200 հազար դոլարը: Այժմ դրա գինը «փոքր-ինչ» նվազել է. պայուսակների արժեքն սկսում է 40 000 ԱՄՆ դոլարից:

Իհարկե կարելի է մտածել նաև, որ այս մեկն օրիգինալը չէ, սակայն նորաձևության ու գունային ներդաշնակության հետևից վազող Ռուզաննա Խաչատրյանի պարագայում հազիվ թե պայուսակն օրիգինալ չլինի։

Հատկապես, որ NEWSPRESS.am-ի տեղեկություններով, տիկինն այս պայուսակի համար վճարել է 50 000 եվրո...  

Կարելի էր նաև սրան ուշադրություն չդարձնել, բայց նման մանր-մունր թվացող երևույթներն են, որ արժեզրկում են հայրենիքի համար մղվող պայքարներն ու կասկածի տակ դնում նրանց կարևորությունը և նպատակները։

Պճնամոլության հետևից ընկած ու դրան ձգտող տիկինը մեկ անգամ չէ, որ հանրության շրջանում աչքի է ընկել իր թանկարժեք հագուստով ու իրերով։ Սա այն դեպքում, երբ կոռուպցիայի կանխարգելման հանձնաժողովի կայքում հասանելի հայտարարագրերում 2011-2015-ին Օհանյանի և նրա կնոջ հայտարարագրած տարեկան համատեղ եկամուտը կազմել է միջինում շուրջ 19,000 դոլար` ամսական 1,600 դոլար։

Իսկ քանի որ Ռուզաննա Խաչատրյանը սիրում է սոցցանցի իր էջերում հաճախակի տեղադրել տարբեր լուսանկարներ՝ ցուցադրելով իր «թանկարժեք ճաշակն ու ոճը», ապա կարելի է տեսնել, որ ինչպես հիմա, այնպես էլ Օհանյանի պաշտոնավարման տարիներին, նրա կինը և երեխաները հաճախ էին կրում բրենդային իրեր, որոնցից որոշների գինը կարող է հասնել է մի քանի հազար դոլարի։

Ու այս ամենից կարելի մի բան ենթադրել՝ այս զույգը կամ գոնե պճնամոլ տիկինը, գալիս է փրկելու ոչ թե հայրենիքը, այլ իր ունեցվածքն ու իմիջը... 

Թանկարժեք հագուստներով ու աքսեսուարներով նկարներն Օհանյանի կինը չի դադարել հրապարակելուց ոչ մի շրջանում։

Ներկայացնում ենք դրանցից մի քանիսը...