Uber-ը շարունակում է «սուպերհավելվածի» վերածվելու իր ծրագիրը՝ ճանապարհորդությունների համար

Uber-ը շարունակում է ճանապարհորդությունների համար «սուպերհավելվածի» վերածվելու իր ծրագիրը, հայտնում է CNBC-ը։

Չորեքշաբթի ընկերությունը հայտարարել է, որ այս տարի Մեծ Բրիտանիայի իր հավելվածում գնացքներ, ավտոբուսներ, ինքնաթիռներ եւ մեքենաների վարձույթ կավելացնի: Փորձնական ծրագրի մի մաս կազմող այդ քայլը  հաջողություն  գրանցելու դեպքում հետագայում այլ երկրներում նույնպես կարող է ներդրվել:

Թեեւ Uber-ը զբոսաշրջային այս ծառայություններն ինքնուրույն չի տրամադրի, նա թույլ կտա օգտատերերին պատվիրել դրանք իր հավելվածի միջոցով՝ տոմս վաճառող հարթակների հետ ծրագրային ապահովման ինտեգրումից հետո։

Uber-ը նշել է, որ ինտեգրումը կօգնի մեծացնել հավելվածների օգտագործումը Մեծ Բրիտանիայի օգտատերերի շրջանում, որոնք նաեւ ընտրություն ունեն այնպիսի հավելվածների միջեւ, ինչպիսին են Bolt-ը եւ Free Now-ն: Մեծ Բրիտանիան Uber-ի ամենամեծ շուկաներից մեկն է ԱՄՆ-ի սահմաններից դուրս:

Uber-ը նախատեսում է նաեւ թույլ տալ մարդկանց հավելվածի միջոցով Eurostar գնացքի տոմսեր գնել, որոնք  Eurostar-ը ճանապարհորդներին Լա Մանշի թունելով  Լոնդոնից Փարիզ եւ այլ քաղաքներ մեկնեկու հնարավորություն կտան: