ՆԱՏՕ-ին Ֆինլանդիայի եւ Շվեդիայի անդամակցությունը կբարձրացնի Բալթյան երկրների անվտանգությունը. Լիտվայի նախագահ
Financial Times-ին տված հարցազրույցում Լիտվայի նախագահ Գիտանաս Նաուսեդան հայտարարել է՝ ՆԱՏՕ-ին Ֆինլանդիայի եւ Շվեդիայի անդամակցությունը կբարձրացնի Բալթյան երկրների անվտանգությունը եւ կամրապնդի արեւմտյան ռազմական դաշինքը
«ՆԱՏՕ-ին Շվեդիայի եւ Ֆինլանդիայի անդամակցությունը կբարելավի անվտանգության իրավիճակը Բալթյան տարածաշրջանում։ Մենք կկարողանանք ավելի լավ վերահսկել Բալթյան տարածաշրջանը ռազմական տեսանկյունից։ Բայց դա նաեւ կուժեղացնի ՆԱՏՕ-ն որպես կազմակերպություն»,- ասել է Նաուսեդան:
«Հնարավոր է Ռուսաստանի կողմից ինչ-որ ագրեսիվ հռետորաբանություն, հնարավոր է նաեւ այստեղ ռազմական ներկայությունն ավելացնելու որոշումներ։ Այսպես թե այնպես, Կալինինգրադի մարզը, ըստ ամենայնի, Եվրոպայի ամենառազմականացված շրջանն է, եւ այնտեղ արդեն մարտավարական միջուկային զենքեր կան։ Չեմ կարծում, որ մենք պետք է արձագանքենք այս հռետորաբանությանը»,- ասել է Նաուսեդան՝ խոսելով Ռուսաստանի արձագանքի մասին։
Նրա խոսքով՝ Ֆինլանդիան եւ Շվեդիան «չեն կարող ժամանակ վատնել եւ պետք է հնարավորինս արագ կատարեն որոշումները», նրանք տեսնում են, որ «պուտինյան ռեժիմի հռետորաբանությունը գնալով ավելի ագրեսիվ է դառնում»։
Լիտվայի նախագահը պաշտպանել է Էստոնիայում, Լատվիայում, Լիտվայում եւ Լեհաստանում 1000 հոգանոց գումարտակները բրիգադների վերածելու ՆԱՏՕ-ի ղեկավարի առաջարկը։ Այդ բրիգադներում սովորաբար 3000-5000 զինվոր է լինում։
Նաուսեդան նաեւ սատարել է Էստոնիայի վարչապետ Կայ Կալլասի կոչը՝ ուղղված ՆԱՏՕ-ին՝ իր հակաօդային պաշտպանության առաքելությունը Բալթյան երկրներում փոխելու մասին, ինչը թույլ կտա անհրաժեշտության դեպքում խոցել թշնամու ինքնաթիռները և հավելել՝ առաջնագծի պաշտպանություն՝ զսպման կամ արագ ամրապնդման փոխարեն: Զսպման ամենահուսալի միջոցը օտարերկրյա զորքերի գործնական տեղակայումն է այստեղ՝ Բալթյան երկրներում եւ Լեհաստանում։ Օդային ոստիկանությունը, հնարավոր է, լավ է խաղաղ ժամանակների համար, բայց սա ոչ ադեկվատ լուծում է՝ հաշվի առնելով, թե ինչ է կատարվում Ուկրաինայում:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
