«Սուրբ Գրիգոր Լուսավորիչ» բժշկական կենտրոնը վերադառնում է մինչկովիդյան ռեժիմին

Մայիսի 16-ից «Սուրբ Գրիգոր Լուսավորիչ» բժշկական կենտրոնը վերապրոֆիլավորվում է և վերադառնում մինչկովիդյան ռեժիմին:

Հանրապետությունում շուրջ 19 բժշկական հաստատություններ՝ «Նորք» ինֆեկցիոն կլինիկական հիվանդանոցը, «Սուրբ Գրիգոր Լուսավորիչ» բժշկական կենտրոնը, «Սուրբ Աստվածամայր» ԲԿ ծննդատան մասնաճյուղը, Վնասվածքաբանության և օրթոպեդիայի գիտական կենտրոնը, Ոստիկանության բժշկական վարչության հոսպիտալը, Վանաձորի ինֆեկցիոն հիվանդանոցը, Գյումրու ինֆեկցիոն հիվանդանոցը, Արտաշատի բժշկական կենտրոնը, Կապանի բժշկական կենտրոնը, Այրվածքաբանության ազգային կենտրոնում «Մեդլայն-կլինիկ» ԲԿ-ն (ընդունման, ախտորոշման և տեղափոխման կենտրոն), «Դիլիջան» բժշկական կենտրոնը, Սպիտակի բժշկական կենտրոնը, Վեդու բժշկական կենտրոնը, Մարտունու բժշկական կենտրոնը 2 տարի զբաղվում էին կովիդի բուժմամբ,  բաժանմունքներ էին առանձնացվել` «Էրեբունի», «Աստղիկ» և «Արմենիա» բժշկական կենտրոններում, Հերացի թիվ 1 կլինիկական հիվանդանոցում, Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտում, «Արաբկիր» բժշկական համալիրում, «Մուրացան» հիվանդանոցային համալիրում (նորածինների և շտապ վիրաբուժական միջամտության կարիք ունեցող երեխաների բուժում), «Սուրբ Աստվածամայր» ԲԿ-ում:

Այժմ այս բոլոր բուժհաստատությունները աստիճանաբար վերադառնում են բնականոն կյանքի, քանի որ կովիդի թվերը խիստ նվազել են եւ կարելի է ասել` համաճարակը հաղթահարված է: