«4 տարի առաջ այս օրը Սերժ Սարգսյանը հրաժարական էր տվել...». Արծրուն Պեպանյանը գիտեր` մարդիկ խոր հուսահատություն են ապրելու

Հրապարակախոս, քաղաքական վերլուծաբան Արծրուն Պեպանյանը ֆեյսբուքյան իր էջում կիսվել է հիշողություններով ու 2018֊ի հետ կապված իր տպավորություններով։ Նա մասնավորապես գրել է.

«4 ՏԱՐԻ ԱՌԱՋ ԱՅՍ ՕՐԸ..

2018 թ ապրիլի 23–ի երեկոյան գործով հարկադրված էի անցնել Ամիրյան–Հրապարակ– Վերնիսաժ ուղիով: Սերժ Սարգսյանը հրաժարական էր տվել, ու երջանկությունից թռչկոտող բազմությունը խցանել էր ճանապարհս:

Մի կերպ հասա Վերնիսաժ ու երբ հեռացա այնքան, որ աղմուկը թուլացավ և կարելի էր խոսք լսել, բազմությանը մատնացուցելով՝ ուղեկցիս ասացի.

– Այս բոլոր մարդիկ խոր հուսահատություն են ապրելու, հուսալքություն է համակելու նրանց: Ո՞վ է նրանց բոլորին սփոփելու, մխիթարելու:

Իսկ վստահ էի դրանում, քանի որ վաղուց պարզել էի մեր երկրի խորքային պրոբլեմները և նկատել էի, որ հարթակի վրա գտնվողները բացարձակապես պատկերացում չունեն այդ պրոբլեմների ահռելիությունից:

ՀԳ Առաջարկում եմ լարել հիշողությունը և հիշել, թե քաղաքագետներից ուրիշ ովքեր էին այդ օրերին մտահոգություն հայտնում: Ճիշտ վարված կլինեք, եթե հիմա առաջնահերթ նրանց խոսքին հետևեք:

ՀԳ 2 Վերջերս ինձ անծանոթ մի կին ինձ հետևյալը գրեց՝

– Ձեզ տեսա 2018–ի ապրիլի 23–ին, Հանրապետության հրապարակում, Դուք անցնում էիք մռալվյած դեմքով, ու ես զարմանում էի, թե ինչու Դուք մեզ հետ չեք կիսում մեր ուրախությունը: Ես հետո հասկացա, որ Դուք գիտեիք, թե ինչ է աղետ է գալու մեր գլխին ու Դուք Ձեր դեմքի արտահայտությամբ զգուշացնում էիք մեզ, բայց մենք, ցավոք, ունակ չեղանք ընկալել զգուշացումը»: