Արմեն Խաչատրյան, հիմա կարո՞ղ ես էդ «նորմալ» մայրուղու վրա էդ սազանդար բաջու հետ հետ էլի նույն բանը ասել, թե՞ ականջներդ կկտրեն հանկարծ...

Արմեն Խաչատրյան, կրկին ես եմ, արդեն հասկացար, թե այս օրով ինչու եմ հիշել քեզ։ Ֆեյսբուքյան իր էջում ՔՊ-ական պատգամավոր Արմեն Խաչատրյանին է դիմել պատմաբան Վահե Սարգսյանը։

Նա մասնավորապես գրել է․

«Ուղիղ մեկ տարի առաջ այս օրը ադրբեջանական զորքերը ներխուժեցին քո հայրենի մարզի Սև լճի տարածք՝ կզացնելով ու ստորացնելով քեզ ու քո գաղափարազուրկ «գաղափարակիցներին»։ Հատուկ նշում եմ՝ քո հայրենի տան մեջ կզացրին հենց քեզ ու քո ողորմելի շրջապատին, քանի որ Սյունիքի հերոսական ժողովրդին որևէ մեկը չի կարող ծնկի բերել, և նա դեռ իր խոսքն ասելու է:

Դու ոչ միայն չսրտնեղեցիր դրանից և չլքեցիր դավաճան իշխանության նավը, այլև ճիշտ հակառակը, լծվեցիր Նեռի պիղծ իշխանությանը պաշտպանելու և ժողովրդին մոլորեցնելու ստոր գործին։

Չենք մոռացել, որ 2020 թ. դեկտեմբերին դու ժամանեցիր Սյունիք և նույն ստորությամբ օգնեցիր Նեռի իշխանությանը, ով բանավոր ըմբռնումով թշնամուն հանձնեց Դաշնակցության «Արամ Մանուկյան» վաշտի ու Սյունիքի հերոսական վաշտերի կողմից անառիկ պահված դիրքերը՝ ծանր քար գցելով Սյունիքի անվտանգության ու պայծառ ապագայի վրա։

Նույնկերպ չենք մոռանում, թե ինչպես էիր Նեռի իշխանությանը սատարում տեղեկատվական դաշտում և Հ1-ի՝ Սյունիքի սազանդար, հայտնի Մելոյի քրոջ աղջիկ Արմինե բաջու և այլոց դավադիր ռեպորտաժներում հայտարարում, թե Գորիս - Կապան մայրուղու հետ ամեն ինչ նորմալ է։

Հիմա կարո՞ղ ես էդ «նորմալ» մայրուղու վրա էդ սազանդար բաջու հետ հետ էլի նույն բանը ասել, թե՞ ականջներդ կկտրեն հանկարծ։

Ի դեպ, տղամարդու խոսք էիր տվել՝ Նաիրի Հոխիկյանին ուղեկցել Սև լիճ, սա հիշեցնում եմ հատուկ, որ մարդկանց մոտ ամրապնդվի քո իրական կերպարը...

Արմեն Խաչատրյան, ամեն օր հիշիր Սյունյաց մեծ դավաճան Մելիք Ֆրանգյուլին, հիշիր անցանկապատ և դարերով անձնական կարիքների բավարարման վայր դարձած նրա գերեզմանը, հիշիր և սարսափիր...»: