Տղաս 15 օրվա ծառայող է եղել ու առաջին օրվանից՝ առաջին գծում․ Փաշինյանը պետք է պատասխանատվության ենթարկվի․ զոհվածի հայր

Փաշինյանի՝ ապրիլի 13-ի հայտարարությունից ստացվում է, որ ինքնախոստովանություն է։ Հիմա մեր պահանջն այն է, որ որպես մեղադրյալ նա ներգարվվի, հարցաքննվի և ենթարկվի պատասխանատվության։ Այս մասին լրագրողների հետ զրույցում ասաց 44-օրյա պատերազմում զոհված Էդգար Ղազարյանի հայրը։ 

Նրա խոսքով՝ ներկա պահին ինքը քննվող գործի շրջանակներում ներգրավված է որպես տուժող, տուժողի իրավահաջորդ և մասնակցելու է հարցաքննությանը։ Եվ միակ պահանջն այն է, որ Փաշինյանը պատասխանատվության ենթարկվի։ 

Խոսելով որդու մասին` Ղազարյանը նշեց․ «Մինչև սեպտեմբերի 15-ը որդիս եղել է կորոնավիրուսի կարանտինի մեջ։ Փաստացի սեպտեմբերի 15-ին տեղափոխվել է Հադրութի զորամաս, որտեղ պետք է անցներ իր 2 տարվա ծառայությունը։ Փաստացի ստացվում է, որ նա ընդամենը 12 օրվա ծառայող էր։ Փաստացի եղել է առաջնագծում՝ հենց առաջին օրվանից։ Ես ունեմ տեսանյութ, որտեղ որդիս ասում է, որ պատերազմի 8-րդ օրն է, մեր դիմացը թուրքի պոստերն է ու մեր վեջը չէ։ Երեխաները կռվել են ու երևի այդ հայրենասիրական ոգին է առաջ մղել, իրենք արդար են եղել, կռվել են, բայց չեն մտածել, որ իրենց թիկունքում դավաճաններ են, որոնք դավաճանեցին 18-19 տարեկան երեխաներին։ Տղաս եղել է Ֆիզուլիի ամենաթեժ կետերից մեկում, զոհվել է հեկտեմբերի 9-ին»։

Զոհվածի հոր խոսքով՝ բոլորը պետք է պատասխան տան։ Առաջին հերթին Փաշինյանը, ինչպես նաև Դավիթ Տոնոյանը, որն ասում էր «Նոր պատերազմ, նոր տարածքներ»։ 

«Ինչի՞ էր այդ արտահայտությունն անում։ Կամ ԳՇ գեներալները բացարձակ անգործության են մատնվել, դավաճանել են երեխաներին»,- ասաց զոհվածի հայրը։