Նիկոլից ավելի նիկոլական տիկին մարզպետ, ձեր եղբոր մասնակցությունը կազմակերպված սադրանքին ևս արձանագրվել է. արձագանք՝ Շիրակի մարզպետին

ՀՅԴ Շիրակի Մարզային կոմիտեի ներկայացուցիչ Մհեր Մելքոնյանն, անդրադառնալով Գյումրի այցելության ժամանակ տեղի ունեցած միջադեպին, ֆեյսբուքյան իր էջում գրել է.

«Որ Նիկոլը դավաճան է և երկերեսանի, դա անհերքելի փաստ է։

Մեր թշնամիներն ամեն գնով պաշտպանում են նրան, որովհետև Նիկոլից ավելի հարմար ղեկավար Հայաստանը չի ունեցել՝ առանց դժվարության կառավարվող, անպատկառ և պաշտոնասեր։

Օրերս Շիրակի մարզպետ Նազելի Բաղդասարյանը Պետրոս Ղազարյանի հյուրն էր:

Նիկոլից ավելի նիկոլական տիկին մարզպետը, հավատարիմ մնալով քպ-ական պաշտոնյաներին մեծախոսիկ ոճին, հարցազրույցի ողջ ընթացքում մանիպուլացնելով մեր քաղաքացիներին, իրականությունը խեղաթյուրելով, նիկոլական բանդայի գործած սխալների պատասխանատվությունը փորձեց գցել իրենց բռնատիրական ռեժիմի դեմ պայքարող ընդդիմության, ՀՀ-ի քաղաքացիների վրա:

Տիկին Բաղդասարյան կեղծիքը, ատելություն քարոզելը, սուտը ձեր քաղաքական խմբակի ձեռագիրն է, որը իշխանազավթումից հետո այդպես էլ մնաց անփոփոխ (հիշեք Ռոբերտ Աբաջյանի կեղծ պապիկին):

Տիկին Բաղդասարյան, մեր գերեվարված հայրենակիցների հարցը ձեր քպ-ական խմբակն է դարձրել քաղաքական շահարկման առարկա և էժանագին դիվիդենդներ հավաքելու միջոց (հիշեք ձեր սրտի վարչապետի աթոռը զբաղեցնող անձի ելույթները):

Տիկին Բաղդասարյան, գիտեմ, որ մարզկենտրոնում կայացած երթը ձեզ հանգիստ չի տալիս, շատ ծանր եք տարել: Ստիպված եմ նորից կրկնել. ես հպարտ եմ, որ երթին 200 մեր Հայրենիքի ճակատագրով մտահոգ քաղաքացիներ են մասնակցել, այլ ոչ թե ապազգային տարրեր:

Տիկին Բաղդասարյան, ձեր իշխանության օրոք սկիզբ դրվեց հասարակակության երկպառակտմանը՝ սևերի և սպիտակների, նախկինների և ներկաների, որը շարունակվում է մինչ օրս:

Տիկին Բաղդասարյան, ձեր իշխանության օրոք ստորագրվեց Հայաստանի կապիտուլյացիան, որի արդյունքում մենք կորցրեցինք Շուշին, Հադրութը, Քարվաճառը, Ակնան…

Տիկին Բաղդասարյան, ձեր քաղաքական թիմը այլևս սպառված է:

Դուք ի զորու չեք բանակցել և ՀՀ-ի համար ցանկալի արդյունքի հասնել։

Դուք պետք է հեռանաք, անելիք չունեք Հայաստանում, Արցախում:

Դուք այդպես էլ Հայրենիքի զգացողություն չունեցաք:

Դուք չհասկացաք, որ Հայրենիքը բառերով չեն սիրում։

Հ.Գ. Իսկ ձեր եղբոր մասնակցությունը Հոռոմ գյուղի մոտ կազմակերպված սադրանքին այդպես էլ անհայտ մնաց:

Չնայած ամեն ինչ պարզ է….

Ամեն ինչ արձանագրվում է, չմոռանաք»: