Կպայթի՞ անշարժ գույքի շուկան, թե ոչ (տեսանյութ)
«Մանթաշյանական զրույցներ» հաղորդաշարի ժամանակ անդրադարձ է կատարվել կառուցապատման ոլորտում առկա խնդիրներին, մասնավորապես` շուկայում առկա գնային տատանումներին և կանխատեսումներին։
կառուցապատման ոլորտի կարևոր և արդիական հարցերի պատասխանները փորձել է պարզել Էլ հոլդինգ ՍՊԸ, Խախամյան հերիթիջ Ավետիս Խախամյանի և ՌԷԴ ինվեսթ գրուպ ՍՊԸ հիմնադիր Արսեն Ավետիսյանի հետ։
Հարցին, թե կա՞ արդյոք հստակ թիվ վերջին տարիներին քանի՞ բնակարան է հանձնվելու շահագործման Արսեն Ավետիսյանը պատասխանեց․
«Մենք կառուցապատման ասոցիացիայի անդամ ենք և այստեղ կահաշվարկ ըստ որի անգամ եթե այս տեմպով երեքից չորս տարի շարունակվի շինարարությունը Երևանի բնակֆոնդի մաշվածության հարցը, մաքսիմում 15 տարի անց լուջ հարց է դառնալու։ Կառուցապատման ոլորտի խթանումը ինչ-որ ձև դա զսպելու էր, այսինքն եկամտահարկի վերադարձի օրենքը ոչ միայն բիզնես տեսանկյունից գնորդների գնողունակությունն էր ավելացնում, այլև քաղաքի համար կարևոր հարց էր լուծում», ասաց Ավետիսյանն ու հավելեց, որ ինքը չի կարծում, որ «շուկան պայթելու է», որովհետև այս պահին եթե նայում ենք թվերին՝ օրենքի առկայությունը մարդկանց գնողունակությունը բարձրացնում է, ինչը թույլ էր տալիս, որ նույնիսկ հինգ հոգանոց ընտանիքում յուրաքանչյուրը կարողանա իրեն թույլ տալ նոր բնակարան գնել։
Էլ հոլդինգ ՍՊԸ, Խախամյան հերիթիջ Ավետիս Խախամյանն էլ իր հերթին հավելեց․«Քանի որ կառուցապատողները բավականին շատացել են և բնագավառը դարձել է չափազանց գայթակղիչ, կառուցապատողի շահաբաժինը փոքրացնելով սկսել են գնային դեպինգ անել, ընդամենը մեկ տարվա կտրվածքով շինարարությունը թանկացել է մինիմում 20-ից 30 տոկոս։
Ընկերությունը, որը իր բիզնես պլանը կազմել է անցած տարի, այս տարի գովազդում է, որ ինքը վաճառելու է 700 դոլարով։ Չունենալով վերահաշվարկ ինքն արդեն իսկ վաճառել է և տվել է խոստում, որ այդ գնով կկարողանա կառուցապատել։ Սա մեծ մասամբ բերելու է ընկերությունների լուծարման, որովհետև չկա որևէ ակնկալիք, որ շինանյութը կարող է հետանկում ունենալ, իսկ խոստում,վաճառքի տված գումարի վերանայում պայմանագրում ոչ բոլոր կետերով է նախատեսված»։
Ընկերությունները սպասարկում են նաև վարկերը, այսինքն բիզնեսը դրված է նաև վարկի գործառույթի մեջ և ունենալով շատ քիչ շահույթ, ոլորտի գիգանտների կանխատեսումներով մեկ տարի հետո ունենալու ենք շատ ավելի վատ պատկեր։
Վահրամ միրաքյանը զրույցի ընթացքում անդրադարձավ նաև երևանյան շենքերի մաշվածությանը, որոնց վթարային դառնալու հարցը սարերի հետևում չէ, եթե հաշվի առնենք նաև այն փաստը, որ բնակարաններն անգամ պատշաճ չեն սպասարկվում։
