Սելը ճռռալու փոխարեն, սելվորն է ճռռում... ինչից էր դժգոհ կարմիրբերետավորը (տեսանյութ)
NEWSPRESS.am-ի թղթակիցը, Փարպեցու փողոցով անցնելիս, պատահաբար ականատես է եղել, թե ինչպես են մի խումբ կարմիր բերետավորներ ծաղրում ու հեգնում 2 կնոջ։ Վերջիններս, դիմելով ոստիկաններին, նկատեցին, որ լավ չի, երբ բռնությամբ տարեց մարդկանց բերման են ենթարկում ու բռնի ուժ կիրառում։
«Ամո՛թ չի՞, էդ մարդը պատերազմի մասնակից ա, դուք նրան խփելով բերման եք ենթարկում»,- ասաց կինը։
Արձագանքելով կնոջը՝ կարմիրբերետավորները սկսեցին ծաղրել․
«Բա դու ինչի՞ ես մասնակցել, կամ ի՞նչ մասնագետ ես»,- լկտի ծիծաղով ասացին բերետավորները։
NEWSPRESS.am-ի հարցին, թե ինչո՞ւ են ծաղրում կնոջը՝ նրանցից մեկն ասաց, թե չեն ծաղրում, ապա դժգոհ հավելեց․ «Ամեն երկրորդը լրագրող ա»․․․
Հարկ է նկատել, որ այս արտահայտությունն անում է մի անձնավորություն, որի մասնագիտությանն այսօր հավակնում է ամեն տեղից զարթնողը։
Այնպիսի տպավորություն է, թե Հայաստանի քաղաքացիների 80%-ը ոստիկաններ են, այն էլ՝ անկիրթ ու տգետ։
Հիշեցնենք, որ, օրինակ, պարեկ դառնալու համար Փաշինյան Նիկոլն էր ասում, թե՝ բոլոր նրանք, ովքեր կցանկանան, կարող են գալ և ընդունվել աշխատանքի՝ անգամ, եթե միայն դպրոցն են ավարտել։
Այնպես որ, ինչպես ասում են՝ սելը ճռռալու փոխարեն, սելվորն է ճռռում․․․
Արմինե Մկրտումյան
