Ապրիլյան 44-օրյա պատերազմում զոհված հերոսներ Հայկի, Նարեկի ու Էդգարի հիշատակին նվիրված հուշակոթող բացվեց նրանց հարազատ դպրոցում (տեսանյութ)
Այսօր՝ մայիսի 31-ին, Երևանի Րաֆֆու անվան թիվ 36 հիմնական դպրոցում բացվեց Արցախյան 44-օրյա պատերազմում զոհված, դպրոցի շրջանավարտներ Նարեկ Սերոբյանի, Հայկ Աննիկյանի և Էդգար Քոթանջյանի հիշատակը հավերժացնող հուշակոթող։
Բացման հանդիսավոր արարողությանը մասնակցում էր նաև Արաբկիրի Սուրբ Խաչ եկեղեցու հոգևոր հովիվ Տեր Պարթև Մուրադյանը, ում ձեռամբ օրհնվեց հուշակոթողի խաչը։
Հարկ է ընդգծել, որ հուշակոթողի հովանավորն ու կառուցման անմիջական նախաձեռնողը նույն դպրոցի 2-րդ դասարանի աշակերտ Ռոբերտ և 8-րդ դասարանի աշակերտուհի Կարինե Նիկոյանների հայրն է՝ Բագրատ Նիկոյանը։
Վերջինս անձամբ է հանդիպել դպրոցի տնօերնին և առաջարկել հուշակոթող կառուցել հերոսների հիշատակին։ Նրա գաղափարն անմիջապես հավանության է արժանացել տնօրինության կողմից և տնօրեն Նունե Ղազարայնը սիրով համաձայնել է, որից հետո Բագրատ Նիկոյանը ձեռնամուխ է եղել հուշակոթողի կառուցմանը։
Նկարում զոհվածների հարազատները և Բագրատ Նիկոյանը՝ աջից
Արարողությանը հրավիրվել էին զոհված տղաների ծնողներն ու հարազատները։ Դպրոցի ուսուցիչներից Արտակ Հակոբյանի նախաձեռնությամբ հուշաքարի բացմանը զուգահեռ աշակերտների հետ կազմակերպվել է նաև հուշ-միջոցառում։
Արտակ Հակոբյանին հաջողվել էր իր բեմանակացրած միջոցառման շնորհիվ ներկաներին ստիպել վերապրել պատերազմի օրերին կրած զգացողությունները։ Բոլորը մտովի գնացին դեպի կռվի դաշտ, հիշեցին հայ իրականության մեջ սևով սպիտակիմ դրոշմված ծանր օրերը։
Բոլորը հուզված էին շատ, ոմանք լուռ արտասվում էին...
Այս ամենը խոսում էր մի բանի մասին` Արտակ Հակոբյանի կազմակերպած միջոցառումը ասելիք ուներ և այն հասավ ներկաներին...
