Այդ հունիսմեկյան տելեպուզիկը մեզ հետ նույնիսկ արհամարհանքով էր խոսում․ զոհվածի մայրը՝ Ջհանգիրյանի մասին

Գուցե շատերը հույս ունեն, բայց անձամբ ես հույս չունեմ, քանի որ մեծ ստահակը, պատերազմի հանցագործը, սանձազերծողը, վիշապը, թունավոր օձը, նարկամանը նստած է վերևում։ Մեր ճակատագիրը որոշվելու է կամ իշխանափոխությունից հետո կամ Եվրոպայում։ Այս մասին «Հայելի» ակումբում ասաց 44-օրյա պատերազմի մասնակից, Արցախի հերոս Դավիթ Առուշանյանը մայրը՝ Լիդա Առուշանյանը։ 

Նրա խոսքով՝ ինքը մի քանի բան է ասել դատավոր Բիշարյանին, և դա շատերն են լսել։ Տիկին Լիդան, սակայն չի փոշմանում իր ասածների համար, և ինչպես ժողովուրդն է ասում՝ քիչ է ասել։ 

«Սակայն ասածից ինչ օգուտ, երբ մենք ունենք երկու Եռաբլուր, որոնցից մեկը Նիկոլն է կառուցել։ Սպասելիքներ, ակնկալիքներ ես չունեմ, մինչև իշխանափոխություն չլինի։ Նշեմ, որ ընդմիջումներով գնացել եմ նաև Բարձրագույն դատական խորհուրդ (ԲԴԽ), որի ղեկավարն է Ջհանգիր Ջհանգիրովը, որն իմ խորին հավատով գիտեմ, որ թուրք է։ Այդ հունիսմեկյան տելեպուզիկը նույնիսկ արհամարհանքով էր խոսում։ Մի 2-3 հոգով եկել ու նստել էին առաջին հանդիպման ժամանակ։ Նրա կողքին մի տիկին էր նստած, որի քունը տանում էր: Ասա՝ այ տիկին, գնայիր քունդ առնեիր ու նոր գայիր, բա դու մայր ես, որ եկել ու նստել ես։ Ջհանգիրյանը իր սիրելի հեռուստաալիքից էր մարդ բերել՝ Հ1-ից։ Հ1, մենք ձեզ մեր թոշակից էլ ենք մուծում անում, որ դուք զխտկվեք ու գաք մեզ լուսաբանեք։ Էդ ինչի՞ եք կեղծ ստեր ասում»,- նշեց տիկին Լիդան։