Զգուշացե՛ք հայրենիքի գողի շնորհավորանքներից, մի լսեք դրա խոսքը, այլ կանխեք նրա մահաբեր և կործանարար գործունեությունը. Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է.

«Զգուշացե՛ք հայրենիքի գողի շնորհավորանքներից, մի լսեք դրա խոսքը, այլ կանխեք նրա մահաբեր և կործանարար գործունեությունը:

«Ձեր աչքերի մեջ տեսնում եմ մեր ապագա հաղթանակները». 2018 թվականի հուլիսի 7-ին ասել է ՀՀ վարչապետ Նիկոլ Փաշինյանը՝ ռազմաուսումնական հաստատությունների շրջանավարտներին։

«Յուրաքանչյուր սպայի հեղինակությունը պետք է շատ ավելի մեծ լինի, քան նրա ուսադիրների զինվորական նշանակությունը»․ ասել է ՀՀ վարչապետ Նիկոլ Փաշինյանը՝ 2019 թվականի հուլիսի 22-ին ռազմաուսումնական հաստատությունների 2018-2019 ուսումնական տարվա շրջանավարտների ավարտական միջոցառմանը։

«Հայոց բանակը պետք է լինի ամենաինտելեկտուալներից մեկը». ասել է ՀՀ վարչապետ Նիկոլ Փաշինյանը Վազգեն Սարգսյանի անվան ռազմական համալսարանի կազմավորման 25-ամյակին նվիրված հանդիսավոր միջոցառմանը։

Նախորդ ուղերձների շահառուների մի զգալի մասը զոհվել են պատերազմում, կործանվել է Հայկական Բանակը։

2022 թվականի հունիսի 3-ին Վարչապետ Նիկոլ Փաշինյանի շնորհավորական ուղերձ է հղել շրջանավարտների:

Մեր կյանքը կարող է փոխվել, եթե այսօր վերջի զանգը հնչի ոչ միայն շրջանավարտների, այլ հայրենիքի գողերի համար, որպեսզի հանցախմբի վերջն ազդարարելով, դա հաջողության ճանապարհ բացի դպրոցն ավարտող երիտասարդների համար։

Լուսանկարը՝ ՀՀ կառավարության պաշտոնական կայքից, 07, հուլիսի 2018թ․