ԱԳՆ-ի 18 միլիարդ բյուջեով նախատեսված գործուղումները թերակատարվել են՝ կադրերի բացակայության պատճառով. Արարատ Միրզոյան
2021թ․-ին բյուջեում արտաքին հարաբերությունների գործունեության ծրագրերի իրականացման համար տարեկան բյուջեն կազմել է 18 մլրդ 240 մլն դրամ։ Ճշտված բյուջեն կազմել է 17 մլրդ 427 մլն դրամ և ՀՀ ԱԳՆ-ի 2021 բյուջեով հատկացված ծրագրերը ֆինանսավորվել են ամբողջ ծավալով։ Կատարողականը կազմել է 98,07%: 2021թ․-ի հաստատված բյուջեի տնտեսումների, մրցույթների արդունքում կատարված տնտեսումների, ինչպես նաև թերացումների գումարը կազմում է 312,5 մլն դրամ, որը տարեվերջին փոխանցվել է պետբյուջե։ Այս մասին 2021թ․-ի պետբյուջեի կատարողական քննարկումների ժամանակ ասաց Արտաքին գործերի նախարար Արարատ Միրզոյանը։
Միրզոյանը ելույթի ժամանակ ծրագրերին անդրադարձ կատարեց նաև առանձին-առանձին․
«Ծրագիր 10-50-Միջազգային հարաբերությունների և դիվանագիտության ոլորտում մասնագետների պատրաստում և վերապատրաստում։
Այս ծրագիրն ըստ էության վերաբերում է ԱԳՆ համակարգում, ԱԳՆ հովանու ներքո գործող դիվանագիտական դպրոցին։ Բոլոր միջոցառումներն իրականացվել են նրանց կողմից։ Ծրագրի շնորհիվ դիվանագիտական ծառայությունը համարլրվում է նոր և որակյալ մասնագետներով։ Միաժամանակ իրականացվում է պետական ծառայողների, այդ թվում՝ դիվանգիատական ծառայողների վերապատրաստում։ 2021թ․-ի ճշտված տվյալը կազմել է 202 մլն դրամ և փաստացի ծախսը նույնն է։ Ըստ էության, կատարողականը 100% է։ Այս ծրագրի ներքո ունենք 1 միջոցառում․ միջազգային հարաբերությունների ոլորտում մասնագետների պատրաստում և վերապատրաստում։ Դիվանագիտական կադրերի պատրաստում ծրագրերն ավարտվել են 11 հոգի, որոնցից 4-ն այժմ աշխատում են ԱԳՆ-ում։ 2021թ-ին միաժամանակ Դիվանագետների դպրոցն անցկացրել է դիվանագետների և պետական այլ գերատեսչությունների, արտաքին կապերի ստորաբաժանումների աշխատակիցների վերապատրաստումներ, ինչպես նաև առաջին անգամ օտարերկրյա դիվանագետների վերապատրաստումներ։ Այս վերապատրաստումներին, ընդհանուր առմամբ, մասնակցել է 75 հոգի։
Ծրագիր 10-61-Արտաքին գործերի ոլորտում Կառավարության քաղաքականության մշակում և իրականացում։
Ծրագրի շրջանակներում ապահովում է ԱԳՆ կենտրոնական ապարատի գործունեությունը։ 2021թ․-ի ճշտված պլանը կազմել է 1 մլրդ 872 մլն դրամ։ Փաստացի ծախսը եղել է 1 մլրդ 814 մլն դրամ, կատարողականը՝ 97,33%: Այս ծրագրի ներքո ունենք 5 միջոցառում․ Կառավարության արտաքին քաղաքականության մշակում և իրականացում։ Միջոցառման նպատակն է Կառավարության ծրագրի հիման վրա արտաքին գործերի բնագավառում քաղաքականության մշակումն ու իրականացումը, դիվանագիտական կազմակերպության կազմակերպումն ու կառավարումը, հյուպատոսական ծառայությունների մատուցումը։
Ըստ էության, եթե էսպես պաշտոնական ձևակերպումներից փորձենք խուսափել, ապա այս միջոցառումը վերաբերում է ԱԳՆ կենտրոնական ապարատի հիմնականում աշխատանքի վարձատրությանը, գործուղումներին, ներկայացուցչական ծախսերին։ Եվ եթե դուք, օրինակ, մանրամասները նայեք, թերթեք աղյուսակները, կտեսնեք, որ գործուղումների և ներկայացուցչական ծախսերի գծով ամբողջությամբ չեն իրականացվել։ Թվայինով չեմ հիշի, բայց շուրջ կեսով են իրականացվել։ Սա երկու հիմնական պատճառ ունի։ Նախ համավարակը և մյուսը՝ կհիշեք, որ ԱԳՆ ղեկավար օղակում բավական փոփոխություններ են եղել և մի քանի մասի նույնիսկ այդ ղեկավար օղակը, մեղմ ասած, թերհամալրված է եղել և ահա այդ պատճառով տեղի չեն ունեցել գործուղումներ և ներկայացուցչական ծախսեր»։
