ՍՍԱ-ի Արտակն արտոնյա՞լ է․ ինչո՞ւ են ՍԱՍ-ում գներն այդքան բարձր (լուսանկարներ)

ՍԱՍ սուպերմարկետների սեփականատեր, գործարար Արտակ Սարգսյանը, ով հասարակությանը հայտնի է նաև «Սասի Արտակ» մականվամբ, հետաքրքիր պատահականությամբ «լեզու է գտնում» բոլոր իշխանությունների հետ ու ծաղկեցնում իր ՍԱՍ-ի գործերը․․․

2004-2006թթ., երբ «Օրինաց երկիր» խմբակցությունը կշիռ ուներ՝ նա ընդգրկվեց այս կուսակցությունում։ Հետո հերթը ՀՀԿ-ինն էր․․․

Մինչև 2018-ը նա այդ կուսակցության թևի տակ մնաց Ազգային ժողովում, ու 2018-ի իշխանափոխության ժամանակ՝ վտանգ զգալով, դարձավ առաջինը, ով լքեց ՀՀԿ նավը․․․

Չի քննարկվում, թե ինչ է արել օլիգարխ Արտակն Ազգային ժողովում, բացի ԱԺ փափուկ աթոռներին նստելուց, ասել-խոսելուց ու ժամանակ առ ժամանակ էլ ՍԱՍ-ի աշխատողներին ինչ-որ բան պարտադրելուց (այս առումով նրա անվան շուրջ բավականին աղմկահարույց միջադեպ է շրջանառվել ու ձայանգրություններ հրապարակվել)․․․

Իհարկե, ամեն անգամ այս մասին նրան ուղղված հարցերը մնում են անպատասխան, քանի որ Արտակը խուսափում է այդ մասին խոսելուց, բայց նրա փոխարեն խոսում է Արտակի բիզնեսը․․․

Հետաքրքիր է նաև, որ թեև բոլոր ժամանակներում ու հատկապես գնաճային այս պիկ շրջանում ՍԱՍ-ում գները ամենաթանկն են, սակայն այս արհեստական գնաճը կարծես անընդհատ վրիպում է տնտեսական մրցակցության պաշտպանության պետական հանձնաժողովի (ՏՄՊՊՀ) աչքից։

Մասնավորապես, ՏՄՊՊՀ նախագահը շարունակում է պնդել, որ հանձնաժողովը գնաճի հետ որևէ առնչություն չունի, և այդ գործառույթը կառավարվում է այլ մարմնի կողմից․․․

Թե կոնկրետ որ մարմինն է զբաղվում գնաճի ու հատկապես արհեստական գնաճի վերահսկողությամբ՝ չի մանրամասնում, սակայն տրամաբանական է, որ այս գործում իշխանության մատը խառն է․․․

Թե ինչ արտոնություններ ունի ՍԱՍ-ի Արտակն ու ինչու է մնում անպատիժ՝ արհեստականորեն գներ բարձրացնելու և թելադրելու համար, պարզ չէ, ակնհայտ է միայն, որ այսօր ՍԱՍ սուպերմարկետների ցանցում գներն անտրամաբանական թվերի են հասնում․․․

NEWSPRESS.am-ը ֆիքսել է ՍԱՍ-ում վաճառվող պտուղ-բանջարեղենի գներից որոշները․․․

Արմինե Մկրտումյան