Մենք հավատում ենք խաղաղության գործընթացին․ ՀՀ ԱԳ նախարար

ՌԴ ԱԳ նախարար Սերգեյ Լավրովի հետ համատեղ մամուլի ասուլիսի ժամանակ ՀՀ ԱԳ նախարար Սերգեյ Լավրովն անդրադարձավ հայ-ադրբեջանական հարաբերություններին։

Միրզոյանը մասնավորապես նշեց․ «Ինչպես նկատեց պարոն Լավրովը, կան մի քանի ուղղություններ, որոնցով բանակցություններն ընթանում ենք։ Անշուշտ, բազմաթիվ հարցերում պատկերացումները չեն համընկնում, բայց բանակցությունները հենց բանակցություն են, որ չհամընկնող կետերի շուրջ փորձեն ընդհանուր եզրեր գտնել՝ փոխզիջումների տաբերակով։ Մենք հավատում ենք խաղաղության գործընթացին։ Մենք կարծում ենք, որ Հայաստան-Ադրբեջան հարաբերությունների կարգավորման մեջ հնարավոր չէ չանդրադառնալ Լեռնային Ղարաբաղի հակամարտությանը, չհասցեագրել և  քաղաքական կարգավորում չտալ այդ հակամարտությանը»։

Միրզոյանը նաև նշեց, որ իրենք հավատացած են, որ այդ բանակցությունները պետք է տեղի ունենան ԵԱՀԿ Մինսկի խմբի շրջանակներում։ Սա է այն միջազգային ձևաչափը, որը ստեղծվել է ԼՂ-ի հարցի խաղաղ կարգավորման համար։

«Ինչպես Սերգեյ Վիկտորովիչն ասաց, բանակցություններն ընթանում են սահմանազատման և սահմանային անվտանգության հարցերով, և, ըստ էության, բանակցությունների մեկնարկը, սկիզբը, այս փուլի համար դրված է։ Առաջին հանդիպումը տեղի է ունեցել, իսկ երկրորդը տեղի կունենա Մոսկվայում»,- նշեց Միրզոյանը և հավելեց, որ որոշակի դրական տեղաշարժ են տեսնում նաև տարածաշրջանային տնտեսական ենթակառուցվածքների ապաշրջափակման առումով։ 

Միրզոյանը, սակայն նշեց, որ անշուշտ ասել, որ կա լիարժեք պատկերացում, սխալ կլինի, սակայն այն, որ դրական տեղաշարժ կա՝ փաստ է։ ԱԳ նախարարը նաև նշեց մի շարք հանգամանքներ, որոնք ազդում են բանակցությունների վրա, այն է՝ հայ գերիներին ՀՀ-ին չհանձնելը, մշակութային արժեքների նկատմամբ ոտնձգությունները, ինչպես նաև ընդհանուր առմամբ առկա հակահայկական հռետորաբանությունը, սադրիչ գործողությունները։