Հայաստանի արտահանման թշնամին հիմա էլ Թուրքիայից հետո Ադրբեջանն ու Միջին Ասիան են

«Պետք է դիվերսիֆիկացնել Հայաստանից արտահանումը»,- այս մասին այսօր լրագրողների հետ հանդիպման ժամանակ ասաց ՀՀԿ պատգամավոր Գագիկ Մինասյանը, հավելելով, որ այս ոլորտում չիրացված հնարավորություններ կան:

Մասնավորապես, Գագիկ Մինասյանն անդրադարձավ Հայաստանից գյուղմթերքի արտահանմանը, նշեց, որ այս բնագավառում ռեսուրսները դեռևս սպառված չեն. «Մենք գյուղատնտեսական արտադրանքի արտահանման համար ունենք լրացուցիչ հնարավորություններ, և ՌԴ-ում այդ հնարավորությունների իրացումը բավականին մեծ է, ուղղակի պետք է կատարվեն համապատասխան ներդրումներ, որպեսզի այդ ապրանքի մատակարարման ինտենսիվությունը այնպիսին լինի, որ ռուսկան շուկան սովորի մեր ապարանքերին և սկսի սպասել»:

Նա նաև անդարդարձավ թուրքական ապրանքների նկատմամբ պատժամիջոցներից հետո ՌԴ-ում առաջացած վակումին, նշեց, որ պետք է հաշվի առնել մեկ կարևոր հանգամանք, շուկայի վրա աշխատելու է ոչ միայն Հայաստանի գյուղատնտեսությունը, այլև Միջին Ասիայի, Ադրբեջանի գյուղատնտեսությունը:

Բացի այդ, Գագիկ Մինասյանը նշեց նաև ռուբլու արժեզրկման խնդիրը, որի կայունության վերաբերյալ կանխատեսումներ ոչ ոք չի կրող անել. «Այս երկու մարտահրավերների պարագայում, պետք է հաշվի առնել Հայաստանի գյուղմթերքի արտահանման իրացումը»: