Արտահանման խթանման խորհուրդ է ստեղծվում, քանի որ «արտահանման սայլը տեղից չի շարժվել»

Օրերս ՀՀ վարչապետ Հովիկ Աբրահամյանը քննարկում էր հրավիրել, որի ժամանակ հավանություն էր տրվել արտահանման խթնամանն ուղղված խորհուրդ ստեղծելու առաջարկին:

Newspress.am-ին Գործատուների միության նախագահ Գագիկ Մակարյանը խորհուրդ ստեղծելու վերաբերյալ նշեց, որ նախկին վարչապետի ժամանակ 29 խորհուրդ կար, որոնց մի մասը կամ ընդհանրապես չէր աշխատում, կամ աշխատում էր 40-50 տոկոսով:
Տնտեսագետը արտահանման խթանման խորհուրդ ստեղծելու առաջարկը դրական է գնահատում, նշելով, որ կան ռազմավարական, տեղափոխման, նոր շուկաներ գտնելու, նաև մի շարք հարցեր, որոնք չի բացառվում, որ խորհուրդը կարողանա լուծել:

Նա նշեց, որ արտահանմանը նաև ՌԴ տնտեսական վիճակն է խանգարում, ռուբլու ինֆլյացիան:

Գագիկ Մակարյանի խոսքով, խորհուրդը կարող է քննարկել, թե ինչ անել, որ եղած ապրանքաքանակներն ավելանան, արդյունաբերական ծրագրեր մշակվեն, սուբսիդավորման վարկերի վերաբերյալ հարցերը լուծվեն. խորհուրդը կարող է ավելի ճկուն աշխատել և նոր մեխանզիմներ, ու գործիքներ կիրառել:

Նրա հույսը ոչ  այդքան խորհրդի գործունեությունն է, որքան վարչապետի գործոնը:

Նման խորհուրդ ստեղծելու համար նա նաև շեշտեց արտահանմանն առնչվող նախարարությունների` գյուղատնտեսության, էկոնոմիկայի նախարարությունների ոչ ակտիվ աշխատանքը, որի արդյունքում էլ նման խորհուրդ է ստեղծվում:

Նշենք, որ 2015թ-ի դեկտեմբերին վարչապետը հանդիպել էր գործարարների հետ և նշել, որ արտահանման համար հավանություն կտան խելամիտ առաջարկներին: Արդյոք խելամիտ արտահանման առաջարկներ չեն եղել, որն էլ ստիպել է խորհուրդ ստեղծել հարցին ի պատասխան Գագիկ Մակարյանը նշեց, որ արտահանողները խելամիտ առաջարկներ կամ չեն արել, կամ սպասողական վիճակում են. արտահանման սայլը տեղից չի շարժվել: