Ավետիսյանների սպանությանից մեկ տարի անց ոչինիչ չի փոխվել

Մեկ տարի առաջ, ճիշտ այս օրը, Գյումրիում իրականացվեց Ավետիսյանների ընտանիքի սպանդը:

Մյասնիկյան 188 հասցեում, սպանվել են տան մեջ գտնվող ընտանիքի բոլոր 7 անդամները։ Գնդակահարվել են ընտանիքի 6 անդամները, իսկ վեց ամսական երեխան՝ Սերյոժան, վիրավորվել էր: Նա մահացավ հիվանդանոցում:

Այդ դաժան սպանությանն անմիջապես հետևեցին ցույցեր Գյումրիում և Երևանում: Մարդիկ դուրս էին եկել, պահանջելու արդար դատավարություն սպանության մեջ մեղադրվող, Գյումրիում տեղակայված 102-րդ ռուսական ռազմակայանի ժամկետային զինծառայող, Վալերի Պերմյակովի նկատմամբ:

Սակայն սպանությունից մեկ տարի անց դեռ այս հարցը հանգուցալուծում չի ստացել:

Բացի այն, որ չեն ստեղծվում համապատասխան պայմաններ դատավարության անցկացման համար, հայկական կողմը այս ամբողջ ընթացքում շարժվել ու շարժվում է միայն Ռուսաստանի թելադրանքով: Բավական է հիշեցնել այն, որ դատավարությունն անցկացվում է ռուսական ռազմաբազայում: Պերմյակովի դատավարությունը ՀՀ դատարանում անցկացնելու փոխարեն` դատարանն են տարել ռազմաբազա: Սա արդեն իսկ լուրջ նախադրյալ է, որ դատվարությունն արդար չի կարող ընթանալ:

Ու հենց սա էր, որ վրդովվեցրել է հայ հասարակությանը: Կա նաև այլ հանգամանք. ինչպես Ավետիսյանների իրավահաջորդները, այնպես էլ հայ հասարակությունը, վստահ են, որ Պերմյակովը միայնակ չի գործել:

Այս հարցին պատասխանելով` վերջինս հայտարարել է, որ եթե նույնիսկ միայնակ չլիներ, այդ մասին չէր բարձրաձայնի:

Հիշեցնենք, որ հունվարի 18-ին նշանակված է Ավետիսյանների գործով երկրորդ դատական նիստը:

Նկատենք նաև, որ այսօր` Ավետիսյանների ընտանիքի համար, Գյումրիի քաղաքային գերեզմանատանը տեղի կունենա հոգեհանգստյան կարգ, որից հետո ժամերգություն և մոմավառություն` քաղաքի Յոթ վերք եկեղեցում: