Հայաստանը շուտով չի լինելու․ գալու եք, լավաշ, պանիր, բաստուրմա վերցնեք ու գնաք, վախենալու եք ու ասեք, որ էնտեղ թուրքեր կան․ զոհվածի մայրը՝ աշխարհի հայերին

Դիմում եմ աշխարհի համայն հայությանը, բոլորիդ ասում եմ՝ Հայաստանը շուտով չի լինելու։ Ի դժբախտություն ձեզ, հուրախություն նիկոլականների, մի մտածեք, որ մենք Փյունիկ թռչունի նման ենք լինելու։ Արդեն այդ թռչունն էլ է սատկում, սատկացնում են։ Ոչխա՛ր Նիկոլ, անիծում եմ ձեզ բոլորիդ։ Այս մասին «Հայելի» ակումբում ասաց 44-օրյա պատերազմի մասնակից, Արցախի հերոս Դավիթ Առուշանյանի մայրը՝ Լիդա Առուշանյանը։

Առուշանյանի խոսքով՝ իրեն շատ են ասում, որ չանիծի․ «Ես չգիտեմ՝ անեծքն ու հայհոյանքը դատապարտելի է, թե ոչ, բայց հայ ժողովրդի բոլոր մայրերի անունից, բոլոր որդեկորույս ծնողների անունից անիծում եմ քեզ։ Լավ օր չտեսնեք ընտանյոք հանդերձ։ Նժդե՛հ, Անդրանի՛կ, Արամ Մանուկյա՛ն, Վարդա՛ն, հիմիկվա զոհեր, վե՛ր կացեք ու տեսե՛ք, թե ինչ է կատարվում։ Վերևից նայում եք։ Բա ո՞նց եք նայում ու հանդուրժում։ Համայն աշխարհի հայեր, իմացե՛ք, որ մեր ղեկավարությունը մեր թշնամիներն են։ Գալու եք, լավաշ, պանիր, բաստուրմա վերցնեք ու գնաք։ Վախենալու եք ու ասեք՝ էնտեղ թուրքեր կան։ Արցախի՛ ժողովուրդ, ես ձեզ էլի եմ ասել՝ 100 անգամ ասել եմ, որ ես պատմաբան չեմ, ես քիմիկ եմ, ես մենակ գիտեմ ծծմբականթթու, աղաթթու․․․ ձեր վրա է թափվելու, դուք տակը վառվելու եք»։

Զոհվածի մոր խոսքով՝ բոլոր երեխաների վրեժը լուծվելու է։