Թլփատված շուն Ալիևը մինչև հիմա սպառնում է նոր ցեղասպանությամբ, իսկ մենք պատրաստվում ենք «խաղաղության պայմանագիր» կնքել․ Այվազյան

Մենք հայրենազրկվել ենք, ցեղասպանության ենք ենթարկվել և սփռվել ենք աշխարհով մեկ, փողոցում ենք մնացել։ Հիմա քաղաքական հարց է բարձրացվում, շատ է խոսվում նախկին ԼՂԻՄ մարզից դուրս տարածքների ճակատագրի՝ Բորձորի, Աղավնոյի, Սուսի վերաբերյալ և այլն։ Այս մասին լրագրողների հետ զրույցում ասաց Ադրբեջանի հարցերով փորձագետ, պատմաբան Գրիգորի Այվազյանը։

Այվազյանի խոսքով՝ պետք է բանակցային սեղանի շուրջ հիշեցնել, որ մենք ունենք անգամ առնվազն ԼՂ-ի մարզի տարածքից ներս գտնվող Ադրբեջանի կողմից օկուպացված Մարտակերտի շրջանի հյուսիսն ու արևելքը, Մարտունու շրջանի արևելքը, Շուշիի շրջանը՝ Շուշի քաղաքով և վերջապես Հադրութի շրջանը։ 

«Հադրութի բնակչությունը հիմա էստեղ է հայտնվել։ Չէ՞ որ ժամանակն է այդ հարցը դնել, եթե չեք ուզում կրկնվի մեր ողբերգական ճակատագիրը։ Երբ այդ անօրեն թուրքը, էդ թլփատված շուն Ալիևը մինչև հիմա սպառնում է նոր ցեղասպանությամբ, սպառնում է հայկական պետականության վերացմամբ, բացահայտորեն հավակնություններ ունի Սյունիքի նկատմամբ, խոսում է, որ Կոնդում ադրբեջանական պատմամշակութային ժառանգություն կա, միջազգային տարբեր ատյաններում հայցեր է նախապատրաստում Հայաստանի դեմ»,- նշեց Այվազյանը և հարցադրում արեց՝ այսպես ե՞նք մենք պատրաստվում Ադրբեջանի հետ «խաղաղության պայմանագրին»։