Spiegel-ը բացահայտել է, որ Շտայնմայերը բացատրություն է պահանջել Զելենսկիից

Գերմանիայի նախագահ Ֆրանկ-Վալտեր Շտայնմայերը մայիսին կայացած հեռախոսազրույցի ժամանակ Ուկրաինայի նախագահ Վլադիմիր Զելենսկիից պահանջել է բացատրել, թե ինչու անսպասելիորեն չեղարկվեց ապրիլին Կիև նախատեսված իր այցը, գրում է Spiegel թերթը։

Հրատարակության տվյալներով՝ Լեհաստանի նախագահ Անջեյ Դուդան պայմանավորվել է ապրիլի 12-ին Շտայնմայերի այցը Ուկրաինա։ Ուկրաինական կողմից առարկություններ չեն եղել, և Ուկրաինայի նախագահի աշխատակազմի ղեկավար Անդրեյ Երմակը նույնիսկ հավանություն է տվել դրան։

«Բայց Գերմանիայի նախագահի հեռանալուց մեկ օր առաջ Երմակը իբր զանգահարել է Լեհաստանի դեսպանին և ասել, որ Շտայնմայերին Կիև տանելու կարիք չկա։ Միևնույն ժամանակ Զելենսկին իբր հրաժարվել է խոսել իր գերմանացի գործընկերոջ հետ։ Դրանից հետո Ուկրաինայում Գերմանիայի դեսպան Անկա Ֆելդհուզենը գրություն է ստացել, որում նշվում է, որ Շտայնմայերի այցը Կիև ավելի բովանդակալից և ընդունելի կլինի, եթե նա գա մյուս նախագահներից առանձին։ Այնուհետ սա Բեռլինում վրդովմունք առաջացրեց, սակայն, ինչպես նշում է Spiegel-ը, գերմանական կողմն անմիջապես որոշեց թուլացնել լարվածությունը։ Շտայնմայերի արտաքին քաղաքականության հարցերով խորհրդականն Ուկրաինայի դեսպան Անդրեյ Մելնիկի միջոցով հեռախոսազրույց է կազմակերպել Զելենսկիի հետ։

Այն տեղի է ունեցել մայիսի 5-ին և տևել 45 րոպե։ Հրապարակայնորեն հաղորդվեց, որ կողմերը փոխըմբռնման են եկել: Ուկրաինայի նախագահը զրույցի սկզբում ներողություն է խնդրել, ասել է, որ տեղի է ունեցել թյուրիմացություն և իր գերմանացի գործընկերոջը հրավիրել է մայիսի 8-ին գալ Ուկրաինա։