Աբովյանի քաղաքապետ Էդվարդ Բաբայանը ֆիզիկական կուլտուրայի և սպորտի նվիրյալ Սուրեն Աբգարյանին համայնքի պատվավոր քաղաքացու կոչում է շնորհել

Աբովյան համայնքի ղեկավար Էդուարդ Բաբայանը գնահատելով Սուրեն Սերյոժայի Աբգարյանի մեծ վաստակը,որով նա նպաստել է համայնքի բարգավաճմանը, ակնառու ներդրում ունեցել համայնքի մարզական բնագավառի զարգացման հարցում, հունիսի 29-ին Աբովյան համայնքի ավագանու հաստատման էր ներկացրել Աբովյան համայնքի պատվավոր քաղաքացու կոչում շնորհելու նախագիծը: Այս մասին տեղեկանում ենք Աբովյանի համայնքապետարանի ֆեյսբուքյան էջից:
Հաշվի առնելով Հայաստանի ֆուտբոլի ֆեդերացիայի գլխավոր քարտուղարի , Հայաստանի շախմատի ակադեմիայի հիմնադիր-տնօրենի միջնորդագրերը,ինչպես նաև Սուրեն Աբգարյանի ունեցած մեծ վաստակը, երկարամյա անբասիր աշխատանքը, համայնքի մարզական կյանքի զարգացման գործում բացառիկ ձեռքբերումները,նախագիծն արժանացավ ավագանու հաստատմանը:
Նախագծի հաստատումով էլ այսօր ՝ հուլիսի 14-ին, համայնքի ղեկավարը Սուրեն Աբգարյանին հյուրընկալել է համայնքապետարանում, որտեղ շնորհել է Աբովյան համայնքի պատվավոր քաղաքացու կոչումը:Ողջունելով Սուրեն Աբգարյանին ՝Էդուարդ Բաբայանը շնորհավորել է նրան կարևոր օրվա առիթով, շնորհակալություն հայտնել Աբովյան համայնքի զարգացման գործում ներդրած բացառիկ ավանդի ,եռանդուն և անձնվեր աշխատանքի համար:
Սուրեն Սերյոժայի Աբգարյանը ծնվել է 1950 թվականին: 1971 թ.-ին ստացել է ֆիզիկական կուլտուրայի բարձրագույն կրթություն, 1972թ. –ին՝ ԽՍՀՄ սպորտի վարպետ, արհմիությունների կամավոր մարզական ընկերության Կոտայքի շրջխորհրդի նախագահ է եղել 1984թ.-ին, Աբովյանի քաղաքային մարզադաշտի տնօրեն՝ 1992 թ.-ին, ՀՀ ֆիզիկական կուլտուրայի և սպորտի վաստակավոր աշխատող՝2000 թ.:
Աշխատած բոլոր տարիներին սերտ համագործակցելով ՀՖՖ-ի հետ ՝իրեն դրսևորել է որպես հմուտ կազմակերպիչ, աշխատանքային բարձր պատասխանատվության զգացումով ղեկավար:
Դեռևս Կոտայքի շրջանի մարզական ընկերությունում աշխատած տարիներին մեծ ներդրում է ունեցել Աբովյանի <<Կոտայք>> ֆուտբոլային թիմի անցմանը ԽՍՀՄ <<Բ>> խմբի առաջնությունից առաջին խումբ :
Նա անձնական նախաձեռնությամբ և ջանքերով կուսակցական մարմինների աջակցությամբ 1984 թվականին կառուցել է Աբովյանի քաղաքային մարզադաշտը:
Այդ տարիներին ԽՍՀՄ առաջնության և գավաթի խաղարկության խաղերը մարզադաշտում կազմակերպվել և անցկացվել են բարձր մակարդակով:
Մարզադաշտում մեծ պատասխանատվությամբ անց են կացվել նաև Եվրոպայի և Աշխարհի երիտասարդական թիմերի ընտրական խաղեր,Հայաստանի երիտասարդական հավաքական թիմի մասնակցությամբ՝ արժանանալով ՀՖՖ-ի և ՈՒԵՖԱ-ի ղեկավարների դրվատանքներին: