Շողակաթ խոշորացված համայնքի բոլոր բնակավայրերը լուսավորության ցանց կունենան

Գեղարքունիքի մարզի Շողակաթ խոշորացված համայնքի վարչական կազմում ընդգրկված բոլոր բնակավայրերում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվում է լուսավորության ցանց։

Գեղարքունիքի մարզպետարանի տեղեկացմամբ՝ ծրագրի պայմանագրային արժեքը կազմում է 25 միլիոն 8 հազար դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Շողակաթի համայնքապետարանը։

Ծրագրով նախատեսվում է Շողակաթ, Դրախտիկ, Արտանիշ, Ծափաթաղ, Աղբերք, Ջիլ գյուղերում լուսավորության ցանց կառուցել շուրջ 6 կիլոմետր ընդհանուր երկարությամբ։

Տեղադրվում է ԼԵԴ համակարգով աշխատող 200 լուսատու։

Շինարարական աշխատանքների մեկնարկը տրվել է հուլիսի սկզբից և կավարտվի առաջիկա երկու ամիսների ընթացքում։

Ծրագրի իրականացման արդյունքում Շողակաթ գյուղը կունենա 80, մնացած 5 գյուղերը՝ 100 տոկոսանոց գիշերային լուսավորություն։